ព័ត៌មានអន្ដរជាតិ

ទីបំផុតស្តេចប្រដាល់អាស៊ី Pacquiao ប្រកាសឈរឈ្មោះប្រធានាធិបតី

បានផុស

៣ years មុន

នៅ

ថ្ងៃចន្ទ ២០ កញ្ញា ២០២១

ដោយ

កំពូលអ្នកប្រដាល់សកលអាស៊ី Manny Pacquiao អាចកាន់តែខិតជិតចូលចូលវិវត្តន៍ពីអាជីពប្រដាល់ហើយ បន្ទាប់ពីលោកបានប្រកាសពីការប្រកួតប្រជែងក្នុងការបោះឆ្នោតជ្រើសរើសប្រធានាធិបតីហ្វីលីពីននៅឆ្នាំ២០២២ ក្រោយទទួលយកការដាក់ឈ្មោះឲ្យប្រកួតប្រជែងពីគណបក្ស PDP-Laban របស់លោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Manny Pacquiao បានសរសេរថា ៖«ខ្ញុំទទួលយកដោយក្លាហានពីការប្រជែងនាំការឈរឈ្មោះតំណែងប្រធានាធិបតីហ្វីលីពីន។ យើងត្រូវការរីកចម្រើន។ ខ្ញុំត្រូវការឈ្នះភាពក្រីក្រ។ យើងត្រូវការអភិវឌ្ឍដើម្បីបម្រើប្រជាជនរបស់យើងដោយមានសុចរិតភាព សេចក្តីស្រឡាញ់ និងតម្លាភាព។ ពេលវេលាដល់ហើយឥឡូវនេះ។ ខ្ញុំបានត្រៀមរួចរាល់ដើម្បីប្រឈមនឹងភាពជាអ្នកដឹកនាំ»។

ការប្រកាសជាផ្លូវការនេះ ក្រោយពេលមានដំណឹងលេចឮជាបន្តបន្ទាប់ពីការប្រកួតប្រជែងតំណែងប្រធានាធិបតីហ្វីលីពីនរបស់ Manny សម្រាប់ឆ្នាំ២០២២ខាងមុខ ប៉ុន្តែលោកមិនធ្លាប់និយាយផ្ទាល់មាត់ ឬប្រកាសជាផ្លូវការឡើយ។ យ៉ាងណា ពេលនេះលោកបានប្រកាសជាផ្លូវការហើយ បន្ទាប់ពីប្រកួតចុងក្រោយកាលពីខែមុនចាញ់កីឡាករ Yordenis Ugas។

កាលពីប៉ុន្មានសប្តាហ៍មុន លោកប្រធានាធិបតីហ្វីលីពីន Rodrigo Duterte ក៏បានប្រកាសពីការឈរឈ្មោះប្រកួតប្រជែងតំណែងអនុប្រធានាធិបតី ដោយសារលោកបានកំពុងកាន់តំណែងមួយអាណត្តិហើយ ដូច្នេះលោកមិនអាចឈ្មោះប្រធានាធិបតីទៀតទេ។

លោក Rodrigo Duterte និង Manny Pacquiao ស្ថិតនៅក្នុងនៅគណបក្ស PDP-Laban ជាមួយគ្នា ហើយទទួលបានការគាំទ្រច្រើនពីសមាជិកបក្ស។ ជាពិសេសប្រជាជនហ្វីលីពីនក៏ស្រឡាញ់បុរសខ្លាំងទាំងពីរនេះដែរ៕

ប្រែសម្រួល៖ វីរបុត្រ
ប្រភព៖ Manny Pacquiao