Breaking News! រដ្ឋមន្រ្តីសុខាភិបាល ប្រេស៊ីល ដែលអមដំណើរប្រធានាធិបតីសម្រាប់មហាសន្និបាត UN វិជ្ជមានកូវីដ

រដ្ឋមន្រ្តីក្រសួងសុខាភិបាលប្រេស៊ីលលោក Marcelo Queiroga ដែលបានមកដល់ទីក្រុងញូវយ៉កជាមួយប្រធានាធិបតី Jair Bolsonaro សម្រាប់កិច្ចប្រជុំមហាសន្និបាតអង្គការសហប្រជាជាតិបាននិយាយនៅលើបណ្តាញសង្គម Twitter ថា លោកបានឆ្លងជំងឺកូវីដ ១៩ ។

លោក Queiroga បានសរសេរថា “ខ្ញុំជូនដំណឹងដល់អ្នករាល់គ្នាថា ថ្ងៃនេះខ្ញុំបានធ្វើតេស្តិ៍វិជ្ជមានចំពោះជំងឺកូវីដ ១៩ ។ ខ្ញុំនឹងត្រូវធ្វើចត្តាឡីស័កនៅសហរដ្ឋអាមេរិក ស្របតាមពិធីការអនាម័យទាំងអស់” ។

ដោយស្រង់សម្តីពីក្រសួងសុខាភិបាលប្រេស៊ីល សារព័ត៌មាន G1 បានរាយការណ៍ថា ការធ្វើចត្តាឡីស័ករបស់លោក Queiroga នៅអាមេរិក គឺមានរយៈពេល ១៤ ថ្ងៃ ។

គួរបញ្ជាក់ថា ចំណែកសមាជិកផ្សេងទៀតនៃគណៈប្រតិភូប្រេស៊ីល បានធ្វើតេស្តអវិជ្ជមានចំពោះជំងឺកូវីដ ១៩ ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ដោយសារតែមិនចាក់វ៉ាក់សាំងកូវីដ ប្រធានាធិបតី ប្រេស៊ីល ត្រូវឈរញ៉ាំភីហ្សាលើចិញ្ចើមផ្លូវ មុនកិច្ចប្រជុំនៅទីក្រុងញូវយ៉ក