ដំរីឯកាបំផុតរបស់ប៉ាគីស្ថាន បញ្ជូនមកសាងជីវិតថ្មីក្នុងប្រទេស កម្ពុជា នៅថ្ងៃនេះ

អ្នកស្រឡាញ់សត្វ សិល្បករនិងមន្រ្តីរដ្ឋាភិបាលបានចូលរួមក្នុងពិធីមួយនៅថ្ងៃចន្ទនេះក្នុងរដ្ឋធានីរបស់ប្រទេសប៉ាគីស្ថានដើម្បីមើលដំរីឯកោបំផុតរបស់ប្រទេសនេះនៅពេលវាចាកចេញមកកាន់ទីជម្រកសត្វព្រៃនៅក្នុងប្រទេសកម្ពុជាសម្រាប់កសាងជីវិតថ្មីនិងចំណាយពេលវេលាសេសសល់ក្នុងជីវិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំរីតែមួយគត់របស់រដ្ឋធានី ឥស្លាម៉ាបាដ ឈ្មោះ Kaavan បានធ្វើដំណើរមកប្រទេសកម្ពុជាតាមយន្ដហោះពិសេសរបស់រុស្ស៊ីចេញពីមូលដ្ឋានទ័ពអាកាសមួយ។

ការចាកចេញរបស់វាដែលដើមឡើយគ្រោងនឹងធ្វើនៅល្ងាចថ្ងៃអាទិត្យគឺត្រូវបានពន្យារពេលជាច្រើនម៉ោងរហូតដល់ព្រឹកថ្ងៃចន្ទដោយសារតែហេតុផលបច្ចេកទេសមួយចំនួន។

ពេទ្យសត្វមួយក្រុមក៏កំពុងអមដំណើរដំរីអាយុ៣៦ឆ្នាំមួយក្បាលនេះមកកាន់ប្រទេសកម្ពុជាផងដែរ។ ដំរីនឹងត្រូវ​ព្រលែងឲ្យរស់នៅ ក្នុងព្រៃធម្មជាតិ ខេត្តឧត្តរមានជ័យ។

តុលាការប៉ាគីស្ថានកាលពីខែឧសភាបានបញ្ជាឲ្យអាជ្ញាធរសត្វព្រៃដោះលែងនិងបញ្ជូនដំរី Kaavan។ ដំរីនេះត្រូវឯកោបន្ទាប់ពីការស្លាប់របស់ដៃគូរបស់វាឈ្មោះ “Saheli” ក្នុងឆ្នាំ២០១២។

ដោយត្រូវបានផ្តល់រង្វាន់ដោយរដ្ឋាភិបាលស្រីលង្កាក្នុងឆ្នាំ១៩៨៥ក្នុងនាមជាកូនដំរីអាយុមួយឆ្នាំ Kaavan បានក្លាយជាប្រធានបទនៃយុទ្ធនាការសិទ្ធិកម្រិតខ្ពស់បន្ទាប់ពីវាត្រូវបានបង្ហាញក្នុងឆ្នាំ២០១៥ថា ត្រូវបានគេដាក់ច្រវាក់ជាទៀងទាត់អស់រយៈពេលជាច្រើនម៉ោងក្នុងមួយថ្ងៃ។

រូបភាពរបស់ Kaavan បានបង្កឲ្យមានការថ្កោលទោសជាសកលដោយទាមទារការដោះលែងដំរីទៅជម្រកសត្វព្រៃ។ សកម្មជនក៏បានដាក់ញត្តិមួយក្នុងឆ្នាំ២០១៦ដែលត្រូវបានគាំទ្រដោយមនុស្សជាង២០ម៉ឺននាក់នៅទូទាំងពិភពលោក៕

ប្រែសម្រួលដោយ៖ Vann Vann

ប្រភព៖ Anadolu

ចុចអាន៖ ប្រទះឃើញហ្វូងដំរីព្រៃនៅក្នុងដែនជម្រកសត្វព្រៃកែវសីមា

ចុចអាន៖ ដំរី Kaavan ដែលល្បី នៅប្រទេសប៉ាគីស្ថាន នឹងបញ្ជូនមកកម្ពុជានៅចុងខែវិច្ឆិកានេះ