ព័ត៌មានអន្ដរជាតិ

វ៉ាក់សាំងចិន Clover មានប្រសិទ្ធភាព៧៩%ប្រឆាំងនឹងវីរុសកាច Delta

បានផុស

៣ years មុន

នៅ

ថ្ងៃព្រហស្បតិ៍ ២៣ កញ្ញា ២០២១

ដោយ

នៅថ្ងៃពុធម្សិលមិញ ក្រុមហ៊ុនឱសថចិនបានបង្ហាញពីសក្តានុពលវ៉ាក់សាំងបង្ការកូវីដ-១៩របស់ខ្លួនគឺ Clover មានប្រសិទ្ធភាពប្រឆាំងនឹងកូវីដ-១៩បាន៦៧% និងមានប្រសិទ្ធភាពប្រឆាំងនឹងវីរុសបំប្លែងខ្លួនឆ្លងកាច Delta ដល់ទៅ៧៩%។ នេះបើតាមការសាកល្បងគ្គីនិកសាស្ត្រចុងក្រោយ។

ក្រុមហ៊ុន Clover Biopharmaceuticals បានចុះកិច្ចព្រមព្រៀងផ្គត់ផ្គង់វ៉ាក់សាំង Clover ចំនួន៤១៤លានដូសដល់កម្មវិធីចែកចាយវ៉ាក់សាំងសកល COVAX។

ក្រុមហ៊ុនបាននិយាយថា ខ្លួនបានដាក់ទិន្នន័យសាកល្បងគ្លីនិកសាស្ត្រដើម្បីស្នើសុំការអនុម័តទៅអង្គការសុខភាពពិភពលោក (WHO) និងនិយ័តករនៅប្រទេសចិន និងអឺរ៉ុបនៅត្រីមាសទី៤ ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីឆ្លងកូវីដ-១៩ដែលមានរោគសញ្ញាចំនួន២០៧នាក់ត្រូវបានរាយការណ៍យ៉ាងហោចណាស់២សប្តាហ៍ បន្ទាប់ពីចាក់ដូសទី២ក្នុងការសាកល្បងទ្រង់ទ្រាយមួយធំមួយ។

តំណាងក្រុមហ៊ុនវ៉ាក់សាំង Clover បាននិយាយថា ក្នុងចំណោមករណីឆ្លងទាំងអស់ខាងលើ គឺមាន៥២នាក់មកពីក្រុមចាក់វ៉ាក់សាំងរួច និងនៅសល់១៥៥នាក់មិនទាន់ពីក្រុមសាកល្បង។

ក្រុមហ៊ុនបានធ្វើការវិភាគលំដាប់ហ្សេនលើករណី១៤៦នាក់ និងវីរុសបំប្លែងខ្លួនទូទៅបំផុតគឺ Delta, Gamma និង Mu ស្មើនឹង៧៣%នៃពួកគេ។ ការវិភាគលើករណី Delta ៥៦នាក់ និងករណី Mu ៣៧នាក់។

នាយកប្រតិបត្តិរបស់ក្រុមហ៊ុនវ៉ាក់សាំង Clover លោក Joshua Liang បាននិយាយក្នុងសេចក្តីប្រកាសមួយថា ៖«យើងពេញចិត្តដែលវ៉ាក់សាំង SCB-2019 បានបង្ហាញពីប្រសិទ្ធភាពជោគជ័យប្រឆាំងនឹងវីរុសឆ្លងកាចរាតត្បាតទូទាំងពិភពលោក Delta និងវីរុសបំប្លែងខ្លួនផ្សេងៗ។ ផ្អែកលើទិន្នន័យសាកល្បង យើងជឿជាក់ថា វ៉ាក់សាំង SCB-2019 អាចត្រូវបានប្រើជាឧបករណ៍សំខាន់ដើម្បីកម្ចាត់នឹងជំងឺឆ្លងកូវីដ-១៩»។

វ៉ាក់សាំងនេះក៏មានប្រសិទ្ធភាពការពារមិនឲ្យឈឺពីមធ្យមទៅធ្ងន់ធ្ងរបាន៨៣.៣% និងមានប្រសិទ្ធភាព១០០%ប្រឆាំងមិនឲ្យឈឺចូលព្យាបាលនៅមន្ទីរពេទ្យ និងករណីធ្ងន់ធ្ងរផ្សេងៗដែលបណ្តាលមកពីកូវីដ-១៩។

អត្រាប្រសិទ្ធភាពរកឃើញនេះផ្អែកលើការសាកល្បងលើអ្នកស្ម័គ្រចិត្តសាកល្បងជាង៣០០០០នាក់នៅប្រទេសហ្វីលីពីន កូឡុំប៊ី ប្រេស៊ីល អាហ្វ្រិកខាងត្បូង និងប៊ែលហ្ស៊ុក៕

ប្រែសម្រួល៖ វីរបុត្រ
ប្រភព៖ reuters