ព័ត៌មានអន្ដរជាតិ

នេះលក្ខខណ្ឌរបស់ កូរ៉េខាងជើង ចំពោះ កូរ៉េខាងត្បូង ដែលប្រកាសចង់បញ្ចប់សង្គ្រាម

បានផុស

៣ years មុន

នៅ

ថ្ងៃសុក្រ ២៤ កញ្ញា ២០២១

ដោយ

ប្អូនស្រីដ៏មានឥទ្ធិពលរបស់លោក គីម ជុងអ៊ុន មេដឹកនាំប្រទេសកូរ៉េខាងជើងបាននិយាយថា ពួកគាត់មានឆន្ទៈបន្តកិច្ចចរចាជាមួយកូរ៉េខាងត្បូង ប្រសិនបើបញ្ចប់គោលនយោបាយអរិភាព។

លោកស្រី Kim Yo-jong បានកំពុងឆ្លើយតបទៅនឹងការអំពាវនាវជាថ្មីរបស់មេដឹកនាំកូរ៉េខាងត្បូងដែលបានបញ្ជាក់ពីការចង់បញ្ចប់សង្គ្រាមកូរ៉េ។

ជម្លោះដែលបានចែកឧបទ្វីបកូរ៉េជាពីរបានបញ្ចប់នៅឆ្នាំ១៩៥៣ដោយមានបទឈប់បាញ់គ្នា និងសន្ធិសញ្ញាមិនមែនសន្តិភាព។ តាំងពីពេលនោះមក ប្រទេសទាំងពីរបានធ្វើសង្គ្រាមបច្ចេកទេស និងបានជាប់គាំងនៅក្នុងទំនាក់ទំនងតឹងតែងជាបន្តបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅសប្តាហ៍នេះ ប្រធានធិបតីកូរ៉េខាងត្បូងលោក មួន ជេអ៉ីន បានអំពាវនាវឲ្យកូរ៉េខាងពីរ និងសម្ព័ន្ធមិត្តរបស់ពួកគេដែលអាមេរិកគាំទ្រកូរ៉េខាត្បូង និងចិនជាដៃគូសេដ្ឋកិច្ចធំបំផុតរបស់កូរ៉េខាងជើង ប្រកាសពីការបញ្ចប់ជាផ្លូវការមួយនូវជម្លោះ ហើយនឹងនាំសន្តិភាពមកកាន់ឧបទ្វីប។

គំនិតផ្តួចផ្តើមខាងលើដើមឡើយត្រូវបានច្រានចោលដោយរដ្ឋមន្ត្រីកំពូលកូរ៉េខាងជើងដែលថារឿងនេះមិនគ្រប់ខែ។ ប៉ុន្តែសេចក្តីថ្លែងមិននឹកស្មានដល់មួយបានចេញនៅថ្ងៃសុក្រ ទី២៤ ខែកញ្ញានេះតាមរយៈសារព័ត៌មានរដ្ឋដែលលោកស្រី គីម បាននិយាយថា «គំនិតនោះគួរឲ្យសរសើ»។

ទោះបីជាយ៉ាងណា លោកស្រីបានបន្ថែមថា កូរ៉េខាងជើងមានឆន្ទៈពិភាក្សាតែម្យ៉ាងគត់ចំពោះសំណើរ ប្រសិនបើកូរ៉េខាងត្បូងបញ្ចប់នូវអ្វីដែលហៅថា «គោលនយោបាយអារិភាព»ដល់ពួកគេ។

ប្អូនស្រីមេដឹកនាំ កូរ៉េខាងជើងបាននិយាយក្នុងសេចក្តីថ្លែងការណ៍ថា ៖«អ្វីដែលត្រូវការគឺទម្លាក់ចោលនូវឥរិយាបដោះស្រាយទេ្វដង ការរើសអើងគ្មានហេតុផល ទម្លាប់អាក្រក់ និងជំហរអរិភាពនៃការបង្ហាញអំពីសកម្មភាពផ្ទាល់ខ្លួនរបស់ពួកគេ ខណៈមានកំហុសចំពោះការអនុវត្តត្រឹមត្រូវរបស់យើងក្នុងការការពារខ្លួន»។

«លុះត្រាតែលក្ខខណ្ឌបែបនេះត្រូវបំពេញ ទើបវាអាចទៅរួចដើម្បីអង្គុយទល់មុខគ្នា និងប្រកាសពីការបញ្ចប់សង្គ្រាមដ៏សំខាន់»៕

ប្រែសម្រួល៖ វីរបុត្រ
ប្រភព៖ BBC