ព័ត៌មានអន្ដរជាតិ

អ៊ីស្រាអែល ទទួលយន្តហោះចម្បាំងបំបាំងកាយថ្មីប្រភេទ F-35 ពីអាមេរិក

បានផុស

៣ years មុន

នៅ

ថ្ងៃចន្ទ ២៧ កញ្ញា ២០២១

ដោយ

អ្នកនាំពាក្យយោធាអ៊ីស្រាអែលបាននិយាយថា កងទ័ពអាកាសអ៊ីស្រាអែលបានទទួលយន្តហោះចម្បាំងបំបាំងកាយថ្មីប្រភេទ F-35 ចំនួន ៣ គ្រឿងពីសហរដ្ឋអាមេរិកកាលពីថ្ងៃអាទិត្យ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរូបខាងលើបាននិយាយនៅក្នុងសេចក្តីថ្លែងការណ៍មួយថា យន្ដហោះដែលត្រូវបានគេស្គាល់នៅអ៊ីស្រាអែលថា “Adir” ដែលមានន័យថា “ខ្លាំងពូកែ” ជាភាសា Hebrew បានចុះចតនៅមូលដ្ឋានអាកាស Nevatim ភាគខាងត្បូងប្រទេសអ៊ីស្រាអែល ។

សេចក្ដីថ្លែងការណ៍បន្តថា យន្តហោះទាំងនោះនឹងចូលរួមជាមួយទាហាន ‘Lions of the South’ ដើម្បីបង្កើនយន្តហោះ“Adir” ការពារដែនអាកាសរបស់អ៊ីស្រាអែល ។

ជាមួយនឹងការមកដល់ថ្មីនេះ ឥឡូវនេះអ៊ីស្រាអែលមានយន្តហោះ F-35 ចំនួន ៣០ គ្រឿង ។ យន្ដហោះនេះគឺជាផ្នែកមួយនៃការបញ្ជាទិញយន្តហោះ F-35 ចំនួន ៥០ គ្រឿង ខណៈយន្តហោះ F-35 ដំបូងបានមកដល់អ៊ីស្រាអែលនៅខែធ្នូឆ្នាំ ២០១៦ ។

គួរបញ្ជាក់ថា យន្តហោះ F-35 មានសមត្ថភាពបំបាំងកាយកម្រិតខ្ពស់ ដែលអនុញ្ញាតឲ្យយន្តហោះនេះចៀសផុតពីការរកឃើញដោយរ៉ាដាធម្មតា ខណៈវាអាចផ្ទុកគ្រាប់បែកជាច្រើន និងហោះហើរក្នុងល្បឿនលឿនជាងសំឡេង Mach 1.6 (ប្រហែល ១,២៣០ ម៉ាយក្នុងមួយម៉ោង) ៕