វ៉ាក់សាំងចាក់តែមួយដូសរបស់ ចិន ល្អខ្លាំងសម្រាប់កុមារអាយុពី ៦ ដល់ ១៧ ឆ្នាំ

របាយការណ៍ថ្មីបានបង្ហាញថា វ៉ាក់សាំងកូវីដ ១៩ Convidecia របស់ក្រុមហ៊ុនចិន CanSinoBIO ផ្តល់នូវសុវត្ថិភាព និងប្រព័ន្ធភាពស៊ាំក្នុងកម្រិតខ្ពស់ និងល្អបំផុតមួយចំពោះអ្នកចាក់ដែលមានអាយុចន្លោះពី ៦ ដល់ ១៧ ឆ្នាំ ។

ក្រុមហ៊ុន CanSinoBIO បាននិយាយកាលពីថ្ងៃអាទិត្យនៅលើគណនី WeChat របស់ខ្លួនថា វ៉ាក់សាំងចាក់តែមួយដូសប្រភេទវ៉ិចទ័រ Ad5-nCov បានបង្ហាញពីសុវត្ថិភាព និងបង្កឲ្យមានការឆ្លើយតបនៃប្រពន្ធភាពស៊ាំរឹងមាំចំពោះកុមារ និងក្មេងជំទង់ដែលមានអាយុពី ៦ ដល់ ១៧ ឆ្នាំ ក្រោយការសាកល្បងលើអ្នកចូលរួមចំនួន ៤៣០ នាក់ ។

រហូតមកដល់ពេលនេះ អាជ្ញាធរចិនបានអនុម័តវ៉ាក់សាំងការពារជំងឺកូវីដ ១៩ អសកម្មភាពចំនួន ៣ សម្រាប់ក្រុមមិនទាន់គ្រប់អាយុ ក្នុងនោះ ២ បង្កើតដោយក្រុមហ៊ុន Sinopharm និងមួយទៀតផលិតដោយក្រុមហ៊ុន Sinovac ។

មន្ត្រីបានបង្ហាញថា គិតត្រឹមថ្ងៃទី ១៥ ខែកញ្ញា វ៉ាក់សាំងប្រហែល ១៧០ លានដូសត្រូវបានចាក់លើកុមារចិនដែលមានអាយុចន្លោះពី ១២ ទៅ ១៧ ឆ្នាំពោលប្រហែល ៩៥.៣ លាននាក់ ។

ទន្ទឹមនោះ អ្នកជំនាញបាននិយាយថា ការផ្ទុះឡើងថ្មីៗនេះទៅលើសិស្សសាលាបឋមសិក្សានៅខេត្ត Fujian ភាគខាងកើតប្រទេសចិនបានបង្កឲ្យមានការព្រួយបារម្ភអំពីអត្រាចាក់វ៉ាក់សាំងសម្រាប់ក្រុមនេះ ហើយកំពុងពិចារណាពង្រីកការចាក់វ៉ាក់សាំងដល់កុមារដែលមានអាយុពី ៣ ទៅ ១២ ឆ្នាំផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Global Times

ចុចអាន ៖ ដំណឹងល្អសម្រាប់អ្នកខ្លាចម្ជុល វ៉ាក់សាំងកូវីដបាញ់ចូលតាមច្រមុះ ដំបូងគេលើលោក ជិតអនុម័តប្រើប្រាស់ហើយ