ព័ត៌មានអន្ដរជាតិ
ឪពុកម្តាយគួរប្រយ័ត្ន! កុមារ១ភាគ៣ មិនបង្ហាញរោគសញ្ញាទេពេលឆ្លងកូវីដ
ការស្រាវជ្រាវថ្មីមួយបានបង្ហាញថា ជាងមួយភាគបីនៃកុមារដែលឆ្លងជំងឺកូវីដ-១៩ គឺមិនបង្ហាញរោគសញ្ញាទេ។
ក្រុមអ្នកស្រាវជ្រាវមកពីសាកលវិទ្យាល័យ Alberta ក្នុងប្រទេសកាណាដា បានរកឃើញថា កុមារប្រហែល៣៦ភាគរយមិនមានរោគសញ្ញាដើមនៃជំងឺកូវីដ១៩ឡើយ ដូចជាក្អក ក្តៅខ្លួនឬដង្ហើមខ្លីជាដើម។

លើសពីនេះទៀត ខណៈពេលដែលរោគសញ្ញាទូទៅបំផុតក្នុងចំណោមកុមារដែលធ្វើតេស្តវិជ្ជមានគឺ ក្អកនិងហៀរសំបោរនោះ រោគសញ្ញាបែបនេះក៏កើតមានជាទូទៅក្នុងចំណោមកុមារ ដែលមានលទ្ធផលតេស្តអវិជ្ជមានផងដែរ។
ប៉ុន្តែកុមារដែលឆ្លងកូវីដគឺមានរោគសញ្ញាដូចជា ចង្អោរឬបាត់បង់រសជាតិនិងក្លិនខ្លាំងជាងមនុស្សធំរហូតដល់ទៅ៧ដងឯណោះ។
វេជ្ជបណ្ឌិត Finlay McAlister សាស្រ្តាចារ្យផ្នែកវេជ្ជសាស្ត្រនៅសាកលវិទ្យាល័យ Alberta បាននិយាយថា “ការព្រួយបារម្ភពីទស្សនវិស័យសុខភាពសាធារណៈគឺថា “ប្រហែលជាមានការរីករាលដាលនៃជំងឺកូវីដ១៩ច្រើននៅក្នុងសហគមន៍ដែលមនុស្សមិនដឹង”។

លោកបន្តថា “នៅពេលយើងឃើញរបាយការណ៍នៃករណីថ្មីចំនួន១,២០០ករណីក្នុងមួយថ្ងៃនៅក្នុងខេត្ត Alberta វាទំនងថា មានមនុស្សជាច្រើនដែលមិនបានដឹងថា ពួកគេមានជំងឺនេះហើយកំពុងធ្វើឲ្យវារីករាលដាល”។
ចំពោះការស្រាវជ្រាវដែលត្រូវបានចេញផ្សាយនៅក្នុង ទស្សនាវដ្តីសមាគមវេជ្ជសាស្ត្រកាណាដាបានបង្ហាញថា ក្រុមនេះបានពិនិត្យលើកុមារជិត២,៥០០នាក់ ដែលត្រូវបានធ្វើតេស្តនៅចន្លោះខែមេសាដល់ខែកញ្ញា។
ពួកគេទាំងអស់មានអាយុយ៉ាងតិចប្រាំឆ្នាំហើយត្រូវបានគេធ្វើតេស្តដោយសារតែការតាមដានទំនាក់ទំនងថាតើពួកគេមានចេញរោគសញ្ញាដែរឬក៏អត់។

ក្នុងចំណោមនោះ កុមារ១,៩៨៧នាក់ត្រូវបានធ្វើតេស្តវិជ្ជមានជំងឺកូវីដ១៩ហើយ៤៧៦នាក់ទៀតទទួលបានលទ្ធផលអវិជ្ជមាន។
ក្នុងចំណោមកុមារដែលឆ្លងវីរុស មាន៧១៤នាក់ពោលគឺ៣៥,៩ភាគរយត្រូវបានគេរាយការណ៍ថាមិនបញ្ចេញរោគសញ្ញា៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ ទារក ០១ នាក់ អាយុទើប ០៧ ខែនៅច្បារអំពៅ តេស្តឃើញវិជ្ជមានកូវីដ ១៩

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ