ព័ត៌មានអន្ដរជាតិ
Pfizer បានដាក់ទិន្នន័យស្នើសុំការអនុញ្ញាតប្រើបន្ទាន់សម្រាប់វ៉ាក់សាំងកុមារអាយុ៥-១១ឆ្នាំហើយ
កាលពីម្សិលមិញ ក្រុមហ៊ុនឱសថ Pfizer និង BioNTech បានដាក់ឯកសារទិន្នន័យសាកល្បងគ្លីនិកសាស្ត្រដំបូងអំពីវ៉ាក់សាំងបង្ការកូវីដ-១៩សម្រាប់កុមារអាយុ៥ទៅ១១ឆ្នាំ និងបាននិយាយថា ពួកគេនឹងស្នើសុំជាផ្លូវការទៅនិយ័តករអាមេរិកសម្រាប់ការអនុញ្ញាតឲ្យប្រើប្រាស់បន្ទាន់នាពេលប៉ុន្មានសប្តាហ៍ខាងមុខ។
រដ្ឋបាលចំណីអាហារ និងឱសថ (FDA) អាមេរិកបាននិយាយនៅដើមខែនេះថា ខ្លួននឹងបញ្ចប់នូវការពិនិត្យទិន្នន័យវ៉ាក់សាំងសម្រាប់ក្រុមកុមារវ័យក្មេងឲ្យបានលឿនបំផុតតាមដែលអាចទៅរួចដែលទំនងជាប៉ុន្មានសប្តាហ៍ខាងមុខដោយមិនដល់មួយខែឡើយ។ នោះមានន័យថា ការអនុញ្ញាតឲ្យប្រើប្រាស់បន្ទាន់សម្រាប់កុមារវ័យក្មេងអាចនឹងចាប់ផ្តើមត្រឹមបំណាច់ខែតុលា។
យោងតាមទិន្នន័យពីបណ្ឌិតសភាកុមារអាមេរិក (AAP) បានឲ្យដឹងថា ការសម្រេចលើការប្រើប្រាស់វ៉ាក់សាំងសម្រាប់កុមារវ័យក្មេងគឺជាអ្វីដែលពលរដ្ឋអាមេរិករាប់លាននាក់កំពុងរង់ចាំ ខណៈការឆ្លងកូវីដ-១៩ចំពោះកុមារបានកើនឡើងរហូតឈានដល់កំណត់ត្រាខ្ពស់បំផុតនៅដើមខែកញ្ញា។
ក្រុមហ៊ុនទាំងនោះបាននិយាយកាលពីថ្ងៃទី២០ ខែកញ្ញាថា វ៉ាក់សាំងដែលបានអនុញ្ញាតឲ្យប្រើប្រាស់រួចហើយសម្រាប់កុមារអាយុ១២ទៅ១៥ឆ្នាំ និងអនុម័តពេញលេញសម្រាប់មនុស្សវ័យជំទង់អាយុ១៦ឆ្នាំឡើង ដែលវ៉ាក់សាំងទាំងនោះមានប្រសិទ្ធភាពឆ្លើយតបភាពស៊ាំខ្លាំងដែលបានរកឃើញពីការសាកល្បងលើអ្នកស្ម័គ្រចិត្ត២២៦៨នាក់។
ក្រុម Pfizer បាននិយាយថា ទិន្នន័យពីការសាកល្បងរបស់ក្រុមហ៊ុនបង្ហាញថា ការចាក់វ៉ាក់សាំងពីរដូសបង្កើនការឆ្លើយតបភាពស៊ាំខ្លាំងនៅក្នុងកុមារដូចនឹងមនុស្សជំទង់អាយុ១៦ទៅ២៥ឆ្នាំ។ សុវត្ថិភាពក៏ត្រូវបានប្រៀបធៀបនឹងវ៉ាក់សាំងសម្រាប់ក្រុមមនុស្សចាស់ដែរ។
ក្រុមហ៊ុនផលិតវ៉ាក់សាំងក៏កំពុងធ្វើការសាកល្បងលើវ៉ាក់សាំងសម្រាប់កុមារអាយុ២ទៅ៥ឆ្នាំ និងពីអាយុ៦ខែទៅ២ឆ្នាំផងដែរដែលទិន្នន័យរំពឹងទទួលបានក្នុងត្រីមាសទី៤ ចុងឆ្នាំនេះ។
ចំណែកក្រុមហ៊ុនវ៉ាក់សាំង Moderna មិនទទួលបានការអនុញ្ញាតឲ្យប្រើប្រាស់បន្ទាន់នូវវ៉ាក់សាំងរបស់ខ្លួនសម្រាប់មនុស្សវ័យជំទង់ឡើយនៅសហរដ្ឋអាមេរិក ប៉ុន្តែនៅអឺរ៉ុបទទួលបានការអនុញ្ញាតហើយសម្រាប់ក្រុមមនុស្សអាយុនេះ៕
ប្រែសម្រួល៖ វីរបុត្រ
ប្រភព៖ Reuters
ក្រសួងការងារ ណែនាំកម្មវិធី App ស្វែងរកការងារនៅបរទេសដោយទំនុកចិត្តខ្ពស់ និងសុវត្ថិភាព
ស្ថិរភាពតម្លៃប្រាក់រៀល រួមចំណែកក្នុងការរក្សាស្ថិរភាពថ្លៃទំនិញនៅលើទីផ្សារ
តារាចម្រៀងជើងចាស់កូរ៉េ Song Dae-gwan ទទួលមរណភាព ចំថ្ងៃរំលឹកខួបម្ដាយ
អភិបាលរាជធានី ណែនាំឱ្យបើកយុទ្ធនាការចុះបាញ់ថ្នាំសម្លាប់មូសជាលើកទី២ នៅក្នុងមូលដ្ឋានរាជធានីភ្នំពេញ
អតីតស្រ្តីទីមួយ កូរ៉េខាងត្បូង រួចទោសទណ្ឌ ២ ករណីផ្សេងគ្នាទាំងនៅ ឥណ្ឌា និងបារាំង
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
នគរបាលបញ្ជាក់់ពីមូលហេតុនៃការឃាត់ខ្លួនអ្នកកាសែតមួយរូបក្រោយដោះមីនតោនដឹកតាមម៉ូតូយកទៅឲ្យសមត្ថកិច្ច
បុគ្គលតាំងខ្លួនជាលោក ស៊ិន ស៊ីសាមុត ចាប់ជាតិ ត្រូវបានសមត្ថកិច្ចឃាត់ខ្លួនបញ្ជូនទៅតុលាការ ពាក់ព័ន្ធការញុះញង់
សមត្ថកិច្ចខេត្តសៀមរាប ឃុំខ្លួនបុរស់ម្នាក់ ពីបទឡាយលក់កាំភ្លើងតាមបណ្តាញសង្គម
អ្នកសិល្បៈនិងសាធារណជន សម្តែងក្តីបារម្ភ ក្រោយដឹងដំណឹង នាយ កុយ មានបញ្ហាសុខភាពត្រូវវះកាត់ជាបន្ទាន់
-
សន្តិសុខសង្គម១ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ agoអតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច