ព័ត៌មានអន្ដរជាតិ

អាការធ្វើទុក្ខយូរហោចណាស់១មានដល់៣៧%ក្នុងអ្នកជំងឺកូវីដជាសះស្បើយ

បានផុស

៣ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

យ៉ាងហោចណាស់មានរោគសញ្ញាកូវីដ-១៩យូរមួយត្រូវបានរកឃើញដល់៣៧%នៃអ្នកកូវីដដែលបានជាសះស្បើយហើយនៅបន្តមានអាការធ្វើទុក្ខចាប់ពី៣ទៅ៦ខែ បន្ទាប់ពីពួកគេបានឆ្លង។ នេះបើតាមការសិក្សាដ៏ធំមួយរបស់សាកលវិទ្យាល័យ Oxford និងវិទ្យាស្ថានជាតិសម្រាប់ការស្រាវជ្រាវសុខភាពបាននបង្ហាញនៅថ្ងៃពុធ ទី២៩ ខែកញ្ញា។

សាកលវិទ្យាល័យ Oxford បាននិយាយថា រោគសញ្ញាកើតមានទូទៅបំផុតគឺពិបាកដកដង្ហើម អស់កម្លាំង ឈឺខ្លួន និងថបបារម្ភ បន្ទាប់ការស៊ើបអង្កេតរោគសញ្ញាលើមនុស្ស២៧០០០០នាក់ដែលបានជាសះស្បើយពីជំងឺកូវីដ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការសិក្សាបានបង្ហាញថា អាការធ្វើទុក្ខកើតមានញឹកញាប់ក្នុងចំណោមមនុស្សបានឆ្លងកូវីដដែលចូលព្យាបាលនៅមន្ទីរពេទ្យ ហើយក៏កើតមានច្រើនដែរក្នុងចំណោមមនុស្សស្រី។

ការសិក្សាមិនបានបង្ហាញលំអិតអំពីមូលហេតុដែលបណ្តាលឲ្យកើតមានអាការរោគសញ្ញាកូវីដយូរ ភាពធ្ងន់ធ្ងរ ឬថាតើវាស្ថិតនៅរយៈពេលកម្រិតណា។

ទោះបីជាយ៉ាងណា ការសិក្សាបានបង្ហាញថា មនុស្សវ័យចំណាស់ និងបុរសមានការពិបាកដកដង្ហើម និងបញ្ហាយល់ដឹងខ្លាំងជាង បើប្រៀបធៀបជាមួយមនុស្សវ័យក្មេង និងស្ត្រីដែលមានអាការឈឺក្បាល ឈឺចាប់ពោះ និងថបបារម្ភ ឬបាក់ទឹកចិត្ត។

សាស្ត្រចារ្យនៅសាកលវិទ្យាល័យ Oxford លោក Paul Harrison ដែលដឹកនាំការសិក្សានេះមានប្រសាសន៍ថា ៖«យើងត្រូវការកំណត់យន្តការស្ថិតក្រោមអាការរោគសញ្ញាផ្សេងៗដែលអាចមានផលប៉ះពាល់ដល់អ្នករស់រានមានជីវិត»។

លោក Harrison បន្ថែមថា ៖«ព័ត៌មាននេះនឹងមានសារៈសំខាន់ណាស់ ប្រសិនបើផលវិបាលដល់សុខភាពយូរអង្វែងដោយសារកូវីដ-១៩កើតមានពិតប្រាកដនោះគឺត្រូវការពារ ឬព្យាបាលឲ្យមានប្រសិទ្ធភាព»៕

ប្រែសម្រួល៖ វីរបុត្រ
ប្រភព៖ Reuters

Related Topics:កូវីដ-១៩