អាមេរិក ថា ក្រុមអាល់កៃដា និង ISIS អាចបង្កើតឡើងវិញនៅ អាហ្វហ្គានីស្ថាន ក្នុងរយៈពេលពី ៦ ទៅ ៣៦ ខែ

លោកឧត្តមសេនីយ៍ Mark Milley នាយ​សេនាធិការ​កងទ័ព​ចម្រុះអាមេរិកបាននិយាយថា មានលទ្ធភាពពិតប្រាកដដែលក្រុមអាល់កៃដា ឬក្រុម ISIS អាចបង្កើតឡើងវិញនៅអាហ្វហ្គានីស្ថានក្នុងរយៈពេល ៦ ទៅ ៣៦ ខែខាងមុខនេះ ។

លោក Milley បាននិយាយថា “ពិតណាស់នៅនាទីនេះការគំរាមកំហែងភេរវកម្មពីអាហ្វហ្គានីស្ថាន គឺតូចជាងការវាយប្រហារភេរវកម្ម ៩/១១ ប៉ុន្តែសម្រាប់ការបង្កើតឡើងវិញរបស់ក្រុមអាល់កៃដា ឬក្រុម ISIS អាចមានខ្ពស់ណាស់” ។

លោក Milley បាននិយាយទៀតថា “មានលទ្ធភាពបង្កើតឡើងវិញនូវក្រុមភេរវកម្មនៅអាហ្វហ្គានីស្ថាននាពេលអនាគតដ៏ខ្លីខាងមុខ ពោលគឺចន្លោះពី ៦, ១២, ១៨, ២៤ ដល់ ៣៦ ខែ ហើយវាជាការងាររបស់យើងដើម្បីទប់ស្កាត់នៅក្រោមលក្ខខណ្ឌផ្សេងៗគ្នា” ។

ជាចុងក្រោយលោកបានបន្ថែមថា “អ្វីដែលសំខាន់នោះ វាជាការងាររបស់យើងដើម្បីបន្តការពារពលរដ្ឋអាមេរិកប្រឆាំងនឹងការវាយប្រហារពីអាហ្វហ្គានីស្ថាន” ៕

ប្រែសម្រួលដោយ ៖ ជីវ័ន្ត

ប្រភព ៖ Zee News

ចុចអាន ៖ តាលីបង់ ព្រមាន អាមេរិក ឲ្យគោរពសិទ្ធិដែនអាកាស អាហ្វហ្គានីស្ថាន ខ្លះផងប្រយ័ត្នមានផលវិបាក