ព័ត៌មានអន្ដរជាតិ

មកទល់ពេលនេះ បណ្ដាប្រទេសអាហ្វ្រិក ទើបសម្រេចគោលដៅចាក់វ៉ាក់សាំង ១០ ភាគរយប៉ុណ្ណោះ

បានផុស

៣ years មុន

នៅ

ថ្ងៃសៅរ៍ ២ តុលា ២០២១

ដោយ

ប្រទេសអាហ្វ្រិកចំនួន ១៥ ទើបសម្រេចបានគោលដៅចាក់វ៉ាក់សាំងកូវីដត្រឹម ១០ភាគរយប៉ុណ្ណោះ នៃចំនួនប្រជាជនរបស់ខ្លួន នេះបើយោងតាមអង្គការសុខភាពពិភពលោក (WHO) ។ ខណៈស្ទើរតែ ៩០ ភាគរយ នៃប្រទេសលើពិភពលោក បានបំពេញតាមគោលដៅរៀងៗខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាតិអាហ្វ្រិកសរុបចំនួន ៦០ លាននាក់ ត្រូវបានចាក់វ៉ាក់សាំង និងតំណាងឲ្យតែ ២ភាគរយនៃវ៉ាក់សាំងជាង ៦ ពាន់លាន ដែលបានផ្តល់ឲ្យនៅទូទាំងពិភពលោក។

នាំមុខគេមួយភាគបីនៃទ្វីបអាហ្វ្រិកគឺ Seychelles និង Mauritius ដែលបានចាក់វ៉ាក់សាំងយ៉ាងពេញលេញជាង ៦០ភាគរយនៃប្រជាជនរបស់ពួកគេ។ Morocco សម្រេចបានអត្រាចាក់វ៉ាក់សាំង ៤៨ភាគរយ ខណៈ Tunisia, Comoros និង Cape Verde ទើបបានចាក់វ៉ាក់សាំងជាង ២០ភាគរយ នៃប្រជាជនរបស់ពួកគេ។

នៅអាហ្វ្រិកខាងត្បូងប្រធានាធិបតី Cyril Ramaphosa បានបង្កើនកិច្ចខិតខំប្រឹងប្រែងចាក់វ៉ាក់សាំង ដោយលោកបាននឹងកំពុងដឹកនាំការចាក់វ៉ាក់សាំង Vooma នៅចុងសប្ដាហ៍ ដើម្បីជំរុញឲ្យប្រជាជនទទួលថ្នាំបង្ការ។ វ៉ាក់សាំងជាង ១៧ លានដូស ត្រូវបានគ្រប់គ្រងនៅអាហ្វ្រិកខាងត្បូង ហើយមនុស្ស ៨.៦ លាននាក់ត្រូវបានចាក់វ៉ាក់សាំងពេញលេញ៕

ប្រែសម្រួល៖ សាង ស្រីល័ក្ខ

ប្រភព៖UPI

ចុចអាន៖៦ សំនួរ មុន-ក្រោយចាក់វ៉ាក់សាំងកូវីដ អាចធ្វើអ្វីបាននិងមិនអាច

ចុចអាន៖លោក បៃដិន ចាក់វ៉ាក់សាំងដូសទី ៣ រួចហើយ និងលើកទឹកចិត្តពលរដ្ឋអាមេរិកឲ្យទៅចាក់ដែរ

Related Topics:ប្រទេសអាហ្វ្រិកខាងត្បូង