ប្លែកពីគេ បុរស ឥណ្ឌូណេស៊ី ម្នាក់រៀបការជាមួយឆ្នាំងដាំបាយ តែ ៤ ថ្ងៃក្រោយក៏លែងលះវិញ ដោយសារហេតុផលនេះ

យើងទាំងអស់គ្នាពិតជាមិនសូវបានឃើញពីពិធីមង្គលការមិនធម្មតានោះទេ ប៉ុន្តែវាមិនមានអ្វីចម្លែកឡើយសម្រាប់បុរសជនជាតិឥណ្ឌូនេស៊ីម្នាក់ ដែលបានរៀបការជាមួយឆ្នាំងដាំបាយ ដោយសារតែគាត់ពូកែធ្វើម្ហូប ។

អ្វីដែលគួរឲ្យភ្ញាក់ផ្អើលជាងនេះនោះគឺ ៤ ថ្ងៃក្រោយមកអាពាហ៍ពិពាហ៍ជាមួយឆ្នាំងដាំបាយត្រូវបានបញ្ចប់ ពោលគឺការលែងលះ ។ នៅក្នុងការបង្ហោះនៅលើហ្វេសប៊ុក លោក Khoirul បានប្រកាសថា “គាត់បានលែងលះជាមួយឆ្នាំងដាំបាយហើយ ព្រោះវាអាចត្រឹមតែដាំបាយប៉ុណ្ណោះ” ។

កាលពីសប្តាហ៍មុន លោក Khoirul Anam បានរៀបការជាមួយឆ្នាំងដាំបាយម៉ាក Philips ហើយពិធីមង្គលការមួយនេះបានល្បីល្បាញទូទាំងបណ្ដាញសង្គម បន្ទាប់ពីបុរសរូបនេះបានចែករំលែករូបភាព បង្ហាញពីរូបគេស្លៀកសំលៀកបំពាក់កូនកំលោះ ខណៈឆ្នាំងដាំបាយក្នុងឈុតជាកូនក្រមុំ ។

នៅក្នុងរូបភាពនោះដែរ កូនកំលោះត្រូវបានគេឃើញថើបកូនក្រមុំ ខណៈនៅក្នុងរូបភាពមួយទៀត កូនកំលោះត្រូវបានគេមើលឃើញថាកំពុងចុះហត្ថលេខាលើឯកសារអាពាហ៍ពិពាហ៍ដើម្បីបញ្ជាក់ពីបែបបទស្របច្បាប់ ។

ទន្ទឹមនោះ អ្នកលេងអ៊ីនធឺណិតមិនអាចឈប់សើចចំពោះពិធីមួយនេះបានទេ ខណៈមនុស្សជាច្រើនផ្សេងទៀតបានអបអរសាទរកូនកំលោះកូនក្រមុំមានសុភមង្គលក្នុងអាពាហ៍ពិពាហ៍នេះ ៕

ប្រែសម្រួលដោយ ៖ ជីវ័ន្ត

ប្រភព ៖ Zee News

ចុចអាន ៖ ប្លែក! សន្តិសុខម្នាក់ ធ្វើម៉ាសពីត្រឡោកដូង មានស៊កកញ្ចែ ស្រួលពេលធ្វើការ តែលទ្ធផលហួសស្មាន