កូនស្រីលោក Duterte ឈរឈ្មោះបោះឆ្នោត ប្រធានាធិបតី ហ្វីលីពីន

កូនស្រីប្រធានាធិបតី ហ្វីលីពីន Rodrigo Duterte នឹងឈរឈ្មោះក្នុងការបោះឆ្នោតឆ្នាំក្រោយ ហើយជំនួយការយូរអង្វែងរបស់ឪពុកនាង នឹងឈរឈ្មោះប្រជែងតំណែងអនុប្រធានាធិបតី។

បច្ចុប្បន្នលោកស្រី Sara Duterte-Carpio គឺជាចៅហ្វាយក្រុង Davao ដែលជាទីក្រុងធំលំដាប់ទី ៣ របស់ហ្វីលីពីន ហើយលោកស្រីធ្លាប់បាននិយាយថា លោកស្រីនឹងមិនឈរឈ្មោះប្រជែងតំណែងប្រធានាធិបតីឆ្នាំក្រោយទេ។

លោកស្រី Duterte-Carpio បានទៅដល់ការិយាល័យបោះឆ្នោតក្នុងឧទ្យាន Magsaysay Park ដើម្បីដាក់ពាក្យឈរឈ្មោះជាផ្លូវការនៅម៉ោងប្រហែល ៤រសៀល។

នៅក្នុងការបង្ហោះ Facebook ចៅហ្វាយក្រុងរូបនេះ បានអរគុណដល់អ្នកគាំទ្រ ចំពោះភាពជឿជាក់និងទំនុកចិត្តរបស់ពួកគេ។

គួរបញ្ជាក់ថា លោកស្រី Duterte-Carpio បានជាប់ឆ្នោតលើកដំបូងជាអភិបាលក្រុង Davao ចាប់ពីឆ្នាំ២០១០ ដល់ឆ្នាំ២០១៣៕

ប្រែសម្រួល៖ សន្យា

ប្រភព៖ Reuters

ចុចអាន៖ Pacquiao ឈរឈ្មោះប្រជែង តំណែងប្រធានាធិបតី ហ្វីលីពីន ជាផ្លូវការ