គ្រួសារមហាសេដ្ឋី ស្លាប់ក្នុងហេតុការណ៍ធ្លាក់យន្តហោះ នៅ អ៊ីតាលី

យន្តហោះឯកជនមួយគ្រឿង បានធ្លាក់ចូលទៅក្នុងប្លុកការិយាល័យមួយនៅភាគខាងជើងទីក្រុង Milan ប្រទេសអ៊ីតាលី ដោយបានសម្លាប់មនុស្សទាំង ៨ នាក់នៅលើយន្តហោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្ដហោះម៉ាស៊ីនមួយធុន Pilatus PC-12 ដែលធ្វើដំណើរឆ្ពោះទៅកោះ Sardinia បានធ្លាក់បន្ទាប់ពីហោះចេញពីអាកាសយានដ្ឋាន Linate ក្នុងទីក្រុង Milan។

អ្នកបើកយន្ដហោះគឺជាមហាសេដ្ឋីរ៉ូម៉ានីឈ្មោះ Dan Petrescu អាយុ ៦៨ ឆ្នាំ។ គាត់បានស្លាប់រួមជាមួយប្រពន្ធ និងកូនប្រុសរបស់ពួកគេ។

ឧបទ្ទវហេតុនេះបានបំផ្លាញប្លុកការិយាល័យ ហើយរថយន្តជាច្រើនគ្រឿងដែលចតចោល ត្រូវភ្លើងឆាបឆេះ។ ទោះបីជាយ៉ាងណាក៏ដោយ គ្មាននរណាម្នាក់នៅលើដី បានរងរបួសទេ។

ការស៊ើបអង្កេតអំពីមូលហេតុនៃការធ្លាក់យន្តហោះនេះ កំពុងដំណើរការ៕

ប្រែសម្រួល៖ Vann Vann

ប្រភព៖ BBC

ចុចអាន៖ យន្តហោះចម្បាំងរបស់កងទ័ពអាកាសអាមេរិកធ្លាក់អំឡុងពេលចុះចត