ព័ត៌មានអន្ដរជាតិ

មន្ទីរពេទ្យធំបំផុតក្រុងញូវយ៉កបញ្ឈប់បុគ្គលិក១៤០០នាក់រឿងអត់ចាក់វ៉ាក់សាំង

បានផុស

៣ years មុន

នៅ

ថ្ងៃអង្គារ ៥ តុលា ២០២១

ដោយ

មន្ទីរពេទ្យ Northwell Health ដែលមានបុគ្គលិកជាង៧៦០០០នាក់ និងជាមន្ទីរពេទ្យធំជាងគេបំផុតនៅទីក្រុងញូវយ៉ក សហរដ្ឋអាមេរិកបានបញ្ឈប់បុគ្គលិក១៤០០នាក់ដោយសារពួកគេបដិសេធចាក់វ៉ាក់សាំងបង្ការកូវីដ-១៩។ នេះបើតាមមន្ទីរពេទ្យបានប្រកាសកាលពីថ្ងៃចន្ទម្សិលមិញ។

លោក Andrew Cuomo អភិបាលក្រុងញូវយ៉កបានប្រកាសកាលពីខែសីហាថា បុគ្គលិកសុខាភិបាលទាំងអស់នៅទីក្រុងញូវយ៉កត្រូវតែចាក់វ៉ាក់សាំងបង្ការកូវីដ-១៩យ៉ាងហោចណាស់១ដូសគិតត្រឹមថ្ងៃទី២៧ ខែកញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្តីប្រកាសមួយ មន្ទីរពេទ្យ Northwell បាននិយាយថា ខ្លួនត្រូវចាត់វិធានការគឃ្លើនឲ្យបានលឿនបំផុតដើម្បីពន្លឿនការចាក់វ៉ាក់សាំងពេញឲ្យបានជាង៩៧%នៅកន្លែងការងាររបស់ខ្លួន។ បុគ្គលិកម្នាក់ៗត្រូវតែចាក់វ៉ាក់សាំង។

អ្នកនាំពាក្យមន្ទីរពេទ្យ Northwell បាននិយាយថា ទោះជាមន្ទីរពេទ្យសោកស្តាយក្នុងការបាត់បង់បុគ្គលិកដោយសារការអនុវត្តវិធានការចាក់វ៉ាក់សាំង ក៏ការចាក់វ៉ាក់សាំងពេញដូសគឺពិតជាសំខាន់ណាស់ដើម្បីបំពេញកាតព្វកិច្ចក្នុងការការពារសុខភាព និងសុវត្ថិភាពរបស់បុគ្គលិក អ្នកជំងឺ និងសហគមន៍ទាំងមូល។

គោលនយោបាយចាក់វ៉ាក់សាំងរបស់មន្ទីរពេទ្យ Northwell តម្រូវឲ្យបុគ្គលិកទាំងអស់ចាក់វ៉ាក់សាំងដើម្បីគោរពទៅតាមគោលការណ៍ច្បាប់របស់រដ្ឋ៕

ប្រែសម្រួល៖ វីរបុត្រ
ប្រភព៖ reuters