ប្រទេសអាស៊ីមួយទៀត ប្រកាសទិញថ្នាំគ្រាប់ព្យាបាលកូវីដ

លោកនាយករដ្ឋមន្រ្តី Scott Morrison បាននិយាយនៅថ្ងៃអង្គារទី ៥ ខែតុលានេះថា ប្រទេស អូស្រ្តាលី នឹងទិញថ្នាំប្រឆាំងវីរុសរបស់ក្រុមហ៊ុន Merck ចំនួន ៣០០,០០០ ដូសស្របពេលរដ្ឋ Victoria បានកត់ត្រាចំនួនអ្នកឆ្លងកូវីដប្រចាំថ្ងៃខ្ពស់បំផុត។

Molnupiravir នឹងក្លាយជាថ្នាំគ្រាប់ដំបូងបង្អស់សម្រាប់ការព្យាបាលជំងឺ-១៩ ប្រសិនបើវាទទួលបានការយល់ព្រមតាមបទប្បញ្ញត្តិ ហើយថ្នាំនេះ អាចកាត់បន្ថយឱកាសនៃការស្លាប់ឬសម្រាកព្យាបាលក្នុងមន្ទីរពេទ្យ ចំពោះមនុស្សដែលមានហានិភ័យខ្ពស់បំផុតនៃជំងឺកូវីដ-១៩។

លោកនាយករដ្ឋមន្រ្តី Scott Morrison បានប្រាប់ Nine News នៅថ្ងៃអង្គារនេះថា “ការព្យាបាលទាំងនេះ មានន័យថា យើងនឹងអាចរស់នៅជាមួយមេរោគនេះបាន។ ថ្នាំ Molnupiravir ត្រូវលេបពីរដងក្នុងមួយថ្ងៃ រយៈពេល៥ថ្ងៃ”។

ថ្នាំនេះត្រូវបានគេរំពឹងថា នឹងទៅដល់ប្រទេសអូស្ត្រាលីនៅដើមឆ្នាំក្រោយ ប្រសិនបើមានការយល់ព្រមពីនិយ័តករឱសថរបស់ប្រទេសនេះ។ ក្រុមហ៊ុន Merck រំពឹងថានឹងផលិតថ្នាំបានចំនួន ១០ លានដូស នៅត្រឹមចុងឆ្នាំ ២០២១នេះ។

ស្របពេលជាមួយគ្នានោះដែរ ប្រទេសកូរ៉េខាងត្បូង ថៃ តៃវ៉ាន់និងម៉ាឡេស៊ី សុទ្ធតែបាននិយាយថា ពួកគេកំពុងពិភាក្សាដើម្បីទិញថ្នាំនេះ ខណៈហ្វីលីពីនកំពុងដំណើរការសាកល្បងលើថ្នាំគ្រាប់នេះ៕

ប្រែសម្រួល៖ Vann Vann

ប្រភព៖ CNA

ចុចអាន៖ អ្នកជិតខាងកម្ពុជា ស្ថិតក្នុងចំណោមប្រទេសអាស៊ី ប្រញាប់ប្រញាល់បញ្ជាទិញថ្នាំព្យាបាលកូវីដ Molnupiravir