ប្រទេសមួយនៅអាមេរិកឡាទីន យកវ៉ាក់សាំង Sinopharm ចាក់ដល់កុមារអាយុ ៣ ទៅ ១១ ឆ្នាំ

ថ្មីៗនេះប្រទេសអាហ្សង់ទីនបានអនុម័តការប្រើប្រាស់វ៉ាក់សាំងការពារជំងឺកូវីដ ១៩ ដែលបង្កើតឡើងដោយក្រុមហ៊ុនឱសថចិន Sinopharm សម្រាប់ចាក់ដល់កុមារអាយុចន្លោះពី ៣ ទៅ ១១ ឆ្នាំ ។

រដ្ឋមន្ត្រីសុខាភិបាលរបស់ប្រទេសនេះលោកស្រី Carla Vizzotti បានធ្វើសេចក្តីប្រកាសនេះ ដើម្បីចាក់ដល់កុមារក្នុងក្រុមអាយុមួយនេះប្រមាណ ៦ លាននាក់ ។

លោកស្រី Vizzotti ក៏បានកត់សម្គាល់ផងដែរថា អាហ្សង់ទីនគ្រោងបញ្ចប់ការចាក់វ៉ាក់សាំងដល់ក្រុមមនុស្សដែលមានអាយុលើសពី ៣ ឆ្នាំនៅចុងឆ្នាំនេះ ។

ចំណែករដ្ឋមន្រ្តីអប់រំបាននិយាយថា ពួកគេរំពឹងថា ការចាក់វ៉ាក់សាំងដល់ក្រុមមនុស្សនេះនឹងជួយបន្តការសិក្សានៅក្នុងប្រទេសអាហ្សង់ទីន ។

គួរបញ្ជាក់ថា ប្រទេសអាហ្សង់ទីនបានរាយការណ៍ពីករណីឆ្លងជំងឺកូវីដ ១៩ ជាង ៥ លានករណី និងមានអ្នកស្លាប់ចំនួន ១១៥,០០០ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ XINHUA

ចុចអាន ៖ កុំបារម្ភ! វ៉ាក់សាំង Sinopharm មិនបង្កហានិភ័យជំងឺស្ទះសរសៃឈាមក្នុងខួរក្បាល ឬដុំកំណកឈាមឡើយ