ព័ត៌មានអន្ដរជាតិ

វ៉ាក់សាំងផ្តល់អេស្ប៉ាញឃើញហានិភ័យកូវីដទាបលើកដំបូងក្នុងពេល១៥ខែកន្លងទៅ

បានផុស

៣ years មុន

នៅ

ថ្ងៃសុក្រ ៨ តុលា ២០២១

ដោយ

ករណីឆ្លងកូវីដ-១៩នៅប្រទេសអេស្ប៉ាញបានធ្លាក់ចុះក្រោម៥០នាក់ក្នុងចំណោមរាល់មនុស្ស១០ម៉ឺននាក់កាលពីថ្ងៃព្រហស្បតិ៍ ទី៧ ខែតុលា ដែលនេះត្រូវបានក្រសួងសុខាភិបាលបានចាត់ទុកថាជាហានិភ័យទាបលើកដំបូងក្នុងរយៈពេលជាងមួយឆ្នាំកន្លងទៅ។

ប្រជាជនអេស្ប៉ាញជាង៣ភាគ៤ឥឡូវនេះបានចាក់វ៉ាក់សាំងបង្ការកូវីដ-១៩ពេញដូស ហើយវិធានការរឹតបន្តឹងសង្គមភាគច្រើនបំផុតថ្មីៗនេះត្រូវបានបញ្ចប់ ទោះជាយ៉ាងណាកាតព្វកិច្ចពាក់ម៉ាស់នៅតែបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងសុខាភិបាលអេស្ប៉ាញកាលពីថ្ងៃព្រហស្បតិ៍បានបង្ហាញករណីឆ្លងកូវីដថ្មីចំនួន១៨០៧នាក់ ដែលធ្វើឲ្យករណីឆ្លងសរុបនៅប្រទេសនេះឡើងដល់៤.៩៧លាននាក់ចាប់តាំងពីកូវីដបានចាប់ផ្តើមផ្ទុះឡើង ខណៈអ្នកស្លាប់ថ្មីមាន២៣នាក់ដែលសរុបអ្នកស្លាប់ឡើងដល់ ៨៦៧០១នាក់។

ទិន្នន័យបង្ហាញថា អត្រាឆ្លងដែលត្រូវបានវាយតម្លៃក្នុងរយៈពេល១៤ថ្ងៃចុងក្រោយបានធ្លាក់ចុះមកត្រឹម៤៩នាក់ក្នុងចំណោមរាល់មនុស្ស១០ម៉ឺននាក់ដែលមានន័យថា ចំនួនអ្នកឆ្លងថ្មីបានធ្លាក់ចុះមកក្រោម៥០នាក់ជាលើកដំបូងគិតចាប់តាំងពីថ្ងៃទី២៧ ខែកក្កដា ឆ្នាំ២០២០មក។

នៅពេលនោះ អេស្ប៉ាញបានក្លាយជាប្រទេសងើបចេញពីបំរាមរឹតបន្តឹងខ្លាំងក្នុងចំណោមប្រទេសអឺរ៉ុបដែលបានដាក់បំរាមតឹងតែងបំផុតដោយសារតែករណីឆ្លងថ្មីបានថយចុះ។

ប៉ុន្តែបន្ទាប់ពីបន្ធូរបន្ថយបំរាម ករណីឆ្លងបានផ្ទុះខ្លាំងសាជាថ្មីដែលបានឆ្លងមនុស្សរាប់លាននាក់ក្នុងរលកទី៤ ហើយបានធ្វើឲ្យមានអ្នកឆ្លងជាប់កំណត់ត្រារបស់ខ្លួនគឺ៩០០នាក់ក្នុងចំណោមរាល់មនុស្ស១០ម៉ឺននាក់នៅបំណាច់ខែមករា មុនពេលយុទ្ធនាការណ៍ចាក់វ៉ាក់សាំងត្រូវបានចាប់ផ្តើមឡើង៕

ប្រែសម្រួល៖ វីរបុត្រ
ប្រភព៖ reuters