ព័ត៌មានអន្ដរជាតិ
NIH រកឃើញ អ្នកចាក់វ៉ាក់សាំង J&J បើចាក់ Pfizer ឬ Moderna ជាដូសជំរុញគឺល្អ
អ្នកចាក់វ៉ាក់សាំងបង្ការកូវីដ-១៩ Johnson & Johnson នឹងកើតមានកម្រិតប្រសិទ្ធភាពល្អ ប្រសិនបើចាក់វ៉ាក់សាំង Pfizer ឬ Moderna ជាដូសជំរុញបន្ថែម។ នេះបើតាមការសិក្សារបស់អាមេរិកដែលរំពឹងខ្ពស់បានបង្ហាញកាលពីថ្ងៃពុធ។
វិទ្យាស្ថានសុខភាពជាតិ (NIH) បានសិក្សាលើការចាក់វ៉ាក់សាំងបង្ការកូវីដ-១៩ចម្រុះគ្នាចំពោះមនុស្សធំជាង៤៥០នាក់ដែលបានចាក់ហោចណាស់១ដូសក្នុងចំណោមវ៉ាក់សាំង៣ប្រភេទដែលកំពុងប្រើនៅសហរដ្ឋអាមេរិកបច្ចុប្បន្ននេះគឺ J&J, Moderna និង Pfizer។ ការសិក្សាស្វែងរកឲ្យឃើញថាតើ មានគុណសម្បត្តិ ឬគុណវិបត្តិណាមួយចំពោះការចាក់ដូសជំរុញផ្សេងគ្នា។

អ្នកស្ម័គ្រចិត្តត្រូវបានបែងចែកជាក្រុម និងទទួលយកការចាក់ដូសជំរុញជាវ៉ាក់សាំងដដែល ឬវ៉ាក់សាំងផ្សេងពីក្រុមហ៊ុនផ្សេង។ កម្រិតអង់ទីគ័រត្រូវវាស់វែងក្នុងរយៈពេល២សប្តាហ៍ និង៤សប្តាហ៍ បន្ទាប់ពីចាក់ដូសជំរុញ។
យោងតាមការសិក្សាបង្ហាញថា ការចាក់បញ្ចូលគ្នាវ៉ាក់សាំងដដែលទាំងអស់បង្កើនកម្រិតអង់ទីគ័រខ្ពស់ជាង ទោះជាយ៉ាងណា ការចាក់វ៉ាក់សាំង Pfizer និង Moderna ជាដូសជំរុញទំនងជាដំណើរការល្អបំផុត។ មនុស្សដែលចាក់ដូសជំរុញ Moderna ឬ Pfizer មានការកើនឡើងខ្ពស់នៅក្នុងការឆ្លើយតបអង់ទីគ័រជាងអ្នកដែលចាក់វ៉ាក់សាំង J&J ជាដូសជំរុញ។
ការសិក្សាបង្ហាញថា អ្នកចាក់វ៉ាក់សាំង Moderna ឬ Pfizer ដូសទី១ និងទី២ គឺស្រួលចាក់ដូសទី៣ ជាលទ្ធផលប្រហែលជាដូចគ្នា។ អ្នកស្ម័គ្រចិត្តដែលបានចាក់វ៉ាក់សាំង J&J (វ៉ាក់សាំងនេះចាក់តែដូសទី១) ទំនងជាទទួលបានការឆ្លើយតបភាពស៊ាំល្អជាង ប្រសិនបើពួកគេចាក់ Pfizer ឬ Moderna ជាដូសជំរុញ។
អ្នកស្រាវជ្រាវបាននិយាយថា ទន្ទឹមជាមួយគ្នានេះ គ្មានផលរំខានធ្ងន់ធ្ងរកើតមានទេសម្រាប់ការចាក់ដូសជំរុញ ហើយរោគសញ្ញាថ្មីក៏អត់កើតមានដែរ។ អ្នកស្ម័គ្រចិត្ត២នាក់ក្អួត បន្ទាប់ពីចាក់ដូសជំរុញគឺ ម្នាក់ចាក់ Moderna និងម្នាក់ទៀតចាក់ J&J។ មាន២នាក់ផ្សេងទៀតដែលចាក់ដូសជំរុញ J&J កើតមានអាការអស់កម្លាំង ឬដេកមិនសូវលក់ស្រួល៕
ប្រែសម្រួល៖ វីរបុត្រ
ប្រភព៖ reuters

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ