ព័ត៌មានអន្ដរជាតិ
CDC រកឃើញភស្តុតាងបន្ថែម កូវីដ ១៩ ឆ្លងនៅអាមេរិក និងអឺរ៉ុប មុនផ្ទុះរាតត្បាតនៅអ៊ូហាន
មជ្ឈមណ្ឌលគ្រប់គ្រង និងប្រយុទ្ធប្រឆាំងជំងឺឆ្លងនៅអាមេរិក CDC បានបញ្ចេញភស្តុតាងថ្មីមួយទៀតពាក់ព័ន្ធប្រភពដើមនៃជំងឺកូវីដ ១៩ ឬ Sars-Cov-2 ដែលត្រូវគេជឿថា បានឆ្លងក្នុងសហរដ្ឋអាមេរិក និងតំបន់មួយចំនួននៅអឺរ៉ុប មុនគេប្រកាសឆ្លងរាតត្បាតក្នុងប្រទេសចិនទៅទៀត។
អ្នកស្រាវជ្រាវអាមេរិក បានបញ្ចូលឯកសារស្រាវជ្រាវមកពីអ៊ីតាលី និងបារាំង ការសិក្សារបស់អ្នកវិទ្យាសាស្ត្រនៃអង្គការសុខភាពពិភពលោក (WHO) រួមនិងការសិក្សាធ្វើឡើងដោយភ្នាក់ងាររបស់កាសែតវេជ្ជសាស្ត្រ The Lancet medical journal ដែលការសិក្សាទាំងអស់នេះអាចបញ្ជាក់បានថា វីរុសកូរ៉ូណា បានឆ្លងទៅលើមនុស្សនៃបណ្តាប្រទេសមួយចំនួន មុនពេលចិនរកឃើញបានផ្ទុះរាតត្បាតនៅអ៊ូហាន និងអង្គការសុខភាពពិភពលោកប្រកាសជាជំងឺរាតត្បាតសកលទៅទៀត។
អ្នកវិទ្យាសាស្រ្តមកពី មជ្ឈមណ្ឌលគ្រប់គ្រង និងប្រយុទ្ធប្រឆាំងជំងឺឆ្លងនៅអាមេរិក CDC បាននិយាយកាលពីថ្ងៃច័ន្ទដើមសប្តាហ៍នេះថា តេស្តលើគំរូឈាមមួយចំនួន បានកើតមានក្នុងសហរដ្ឋអាមេរិក ចាប់តាំងពីថ្ងៃ ១៣ ខែធ្នូ ឆ្នាំ២០១៩ ដោយរកឃើញភស្តុងតាងមានពពួកអង្គបដិប្រាណកកើតឡើងដើម្បីប្រឆាំងជំងឺកូវីដ ១៩ ឬ Sars-Cov-2។
គំរូឈាមទាំងនេះ ត្រូវគេទទួលបានប្រមាណច្រើនជាង ២សប្តាហ៍ មុនថ្ងៃ ៣១ ធ្នូ ឆ្នាំ២០១៩ ដែលជាថ្ងៃត្រូវរដ្ឋាភិបាលចិន ទទួលស្គាល់ជាផ្លូវការ មានការផ្ទុះរាតត្បាតកូវីដ ១៩ កណ្តាលទីក្រុងអ៊ូហាន ហើយប្រមាណជិតមួយខែក្រោយ ពោលគឺថ្ងៃ ១៩ មករា ឆ្នាំ២០២០ ទើបសហរដ្ឋអាមេរិក អះអាងរកឃើញមនុស្សឆ្លងកូវីដ ១៩។ នេះបើតាមរបាយការណ៍របស់ CDC។
“វត្តមាននៃសេរ៉ូមអង្គបដិប្រាណដែលរកឃើញក្នុងឈាមគំរូនៅអាមេរិក អាចបង្ហាញបានថា វីរុស Sars-CoV-2 គឺកើតមាននៅតំបន់ដាច់ស្រយាល អាចជាតំបន់ភាគខាងលិចសហរដ្ឋអាមេរិក មុននឹងវីរុសនេះ រីកសាយភាយជុំវិញពិភពលោក។” នេះបើតាមការសរសេរក្នុងរបាយការណ៍របស់ CDC និងចេញផ្សាយលើកាសែតវេជ្ជសាស្ត្រ Clinical Infectious Diseases។
ជាមួយនឹងការវិភាគចេញផ្សាយនៅអ៊ីតាលី អំឡុងខែវិច្ឆិកា ឆ្នាំ២០២០ កន្លងទៅ តេស្តឈាមគំរូមួយចំនួន ត្រូវគេទទួលបានចាប់តាំងពីខែកញ្ញា ឆ្នាំ២០១៩ ដែលសុទ្ធរកឃើញវត្តមានអង្គបដិប្រាណប្រឆាំងវីរុសកូរ៉ូណាថ្មី។
ជាមួយគ្នានេះ នៅក្នុងប្រទេសបារាំង សំណាកដែលទទួលបានពីអ្នកជំងឺសម្រាកក្នុងមន្ទីរពេទ្យ កាលពីថ្ងៃ ២៧ ធ្នូ ឆ្នាំ២០១៩ ក៏ត្រូវគេធ្វើតេស្តក្រោយមក រកឃើញវិជ្ជមានកូវីដ ១៩ ដូចគ្នា។ នេះបើតាមរបាយការណ៍ចេញផ្សាយលើកាសែតវេជ្ជសាស្ត្រ International Journal of Antimicrobial Agents។
សរុបមក គំរូឈាមទាំងក្នុងប្រទេសអ៊ីតាលី និងបារាំង សុទ្ធតែរកឃើញមុនវីរុសកូវីដ ១៩ ត្រូវគេរកឃើញនៅអ៊ូហាន នាំឲ្យការវិភាគទៅលើដើមកំណើតពិតរបស់វីរុសកំណាចនេះ កាន់តែពិបាកប៉ាន់ស្មានទៅទៀត។
រដ្ឋបាលប្រធានាធិបតី ដូណាល់ ត្រាំ ធ្លាប់បានស្តីបន្ទោសចិន ជាប្រភពផ្ទុះរាតត្បាត និងចម្លងជំងឺកូវីដ ១៩ ទៅជុំវិញពិភពលោក ខណៈជាការឆ្លើយតប រដ្ឋាភិបាលប៉េកាំង បានចាត់ទុកជាការវាយប្រហារដោយពាក្យសម្តីពីសំណាក់សហរដ្ឋអាមេរិកប៉ុណ្ណោះ៕
ប្រែសម្រួល៖ សុភា
ប្រភព៖ SCMP
ជនបរទេស១៣នាក់ ត្រូវឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា នៅសៀមរាប
លោកសន្តិបណ្ឌិត ឆៃ ស៊ីណារិទ្ធ អនុញ្ញាតឱ្យ ឯកអគ្គរដ្ឋទូតឥណ្ឌូនេស៊ី ចូលជួបសម្តែងការគួរសម
ទីតាំងហាងកាហ្វេជាង៩០កន្លែង ត្រូវសមត្ថកិច្ចធ្វើសកម្មភាពចុះឆែកជាបន្តបន្ទាប់ក្នុងខេត្តកំពង់ចាម
មណ្ឌលប្រឡងភ្នំពេញ មានបេក្ខជនប្រឡងជាប់ឌីប្លូមជាង១ម៉ឺន៥ពាន់នាក់ ស្មើនឹងជាង៩០%
គណៈបញ្ជាការឯកភាពរដ្ឋបាលខេត្តមណ្ឌលគិរី ចុះបង្ក្រាបទីតាំងអនឡាញមួយកន្លែង ឃាត់ជនសង្ស័យ១៤៩នាក់
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៦ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១៥ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៦ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ៤ ម៉ោង agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ