អគ្គិភ័យឆាបឆេះអគារកម្ពស់ ១៣ជាន់នៅ តៃវ៉ាន់ សម្លាប់មនុស្សដល់ទៅ ៤៦នាក់

មនុស្សចំនួន ៤៦ នាក់ បានស្លាប់និងរាប់សិបនាក់ទៀតរងរបួស បន្ទាប់ពីអគ្គិភ័យដ៏ធំ បានឆាបឆេះអគារមួយនៅភាគខាងត្បូងកោះតៃវ៉ាន់ នៅថ្ងៃព្រហស្បតិ៍ទី១៤ខែកញ្ញានេះ។

យោងតាមទីភ្នាក់ងារសារព័ត៌មាន CNA បានឲ្យដឹងថា អគ្គិភ័យបានចាប់ផ្តើមនៅក្នុងអគារពាណិជ្ជកម្មនិងលំនៅដ្ឋានកម្ពស់ ១៣ ជាន់ នាវេលាម៉ោង ២ និង ៥៤ នាទីព្រឹក​ (ម៉ោងក្នុងស្រុក) ក្នុងសង្កាត់ Yancheng នៃទីក្រុង Kaohsiung។

អ្នកនាំពាក្យនៅការិយាល័យពន្លត់អគ្គិភ័យទីក្រុង Kaohsiung បានប្រាប់ CNN ថា ប្រតិបត្តិការជួយសង្គ្រោះកំពុងដំណើរការនៅឡើយ ដោយបុគ្គលិកជួយសង្គ្រោះចំនួន ៣៧៧ នាក់ត្រូវបានដាក់ពង្រាយនៅកន្លែងកើតហេតុ។ លោកនិយាយថា មនុស្ស ៤១ នាក់បានរងរបួស។

មនុស្សជាង ១០០ នាក់ដែលភាគច្រើនជាមនុស្សវ័យចំណាស់និងពិការ គឺបានរស់នៅក្នុងអគារនេះ។

ទោះបីជាយ៉ាងណាក៏ដោយ គេមិនទាន់ដឹងច្បាស់ថាមូលហេតុអ្វីដែលបណ្តាលឲ្យមានអគ្គិភ័យនេះទេ៕

ប្រែសម្រួល៖ Vann Vann

ប្រភព៖ CNN

ចុចអាន៖ ផ្ទុះឃ្លាំងស្តុកសារធាតុគីមីដ៏ខ្លាំងក្លានៅឥណ្ឌា សម្លាប់មនុស្ស ១២ នាក់