ព័ត៌មានអន្ដរជាតិ

ចាប់ពីថ្ងៃចន្ទក្រោយ អ្នកចាក់វ៉ាក់សាំងពេញចង់ទៅម៉ាឡេស៊ីត្រូវធ្វើចត្តាឡីស័ក៧ថ្ងៃ

បានផុស

៣ years មុន

នៅ

ថ្ងៃសៅរ៍ ១៦ តុលា ២០២១

ដោយ

លោកនាយករដ្ឋមន្ត្រីម៉ាឡេស៊ី Ismail Sabri Yaakob បានប្រកាសកាលពីថ្ងៃសុក្រម្សិលមិញថា អ្នកចាក់វ៉ាក់សាំងបង្ការកូវីដពេញដូសដែលចង់ធ្វើដំណើរចូលទៅប្រទេសម៉ាឡេស៊ីគឺត្រូវធ្វើចត្តាឡីស័កខ្លីជាងលើកមុនគិតចាប់ពីថ្ងៃចន្ទ ទី១៨ ខែតុលាខាងមុខនេះ។

លោកបាននិយាយបន្ទាប់ពីកិច្ចប្រជុំជាមួយគណៈកម្មាធិការពិសេសស្តីពីការគ្រប់គ្រងជំងឺកូវីដ-១៩ថា ពួកគេអាចធ្វើចត្តាឡីស័កនៅផ្ទះក៏បាន ឬនៅទីកន្លែងធ្វើចត្តាឡីស័កក៏បាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«អ្នកធ្វើដំណើរដែលមិនទាន់ចាក់វាក់សាំង ឬចាក់មិនទាន់ពេញដូសនឹងត្រូវធ្វើចត្តាឡីស័ករយៈពេល១០ថ្ងៃនៅកន្លែងធ្វើចត្តាឡីស័ក»។ លោកបានបញ្ជាក់។

រយៈពេលធ្វើចត្តាឡីស័កសម្រាប់អ្នកជាប់ពាក់ព័ន្ធជិតស្និទ្ធនឹងអ្នកឆ្លងកូវីដក៏នឹងកាត់បន្ថយមកនៅត្រឹម៧ថ្ងៃដែរសម្រាប់អ្នកចាក់វ៉ាក់សាំងពេញដូស ហើយធ្វើនៅផ្ទះ។ ប៉ុន្តែសម្រាប់អ្នកមិនទាន់ចាក់ ឬចាក់មិនទាន់ពេញដូសត្រូវធ្វើចត្តាឡីស័ក១០ថ្ងៃ។

ពីមុន អ្នកដំណើរអន្តរជាតិដែលចូលទៅប្រទេសម៉ាឡេស៊ីត្រូវធ្វើចត្តាឡីស័ករយៈពេល១៤ថ្ងៃ។

ទន្ទឹមជាមួយគ្នានេះ ទីកន្លែងសម្រាក និងសេវាកម្មនៅតាមមហាវិថីនានាក្នុងប្រទេសម៉ាឡេស៊ីក៏ត្រូវបានអនុញ្ញាតឲ្យប្រតិបត្តិការឡើងវិញចាប់ពីថ្ងៃសៅរ៍នេះទៅ៕

ប្រែសម្រួល៖ វីរបុត្រ
ប្រភព៖ CNA

Related Topics:ប្រទេសម៉ាឡេស៊ី