ព័ត៌មានអន្ដរជាតិ

ចិន សម្រេចបានវ៉ាក់សាំងមួយទៀតការពារស្ត្រី ហើយមានគុណភាពខ្ពស់ និងតម្លៃទាប

បានផុស

៣ years មុន

នៅ

ថ្ងៃចន្ទ ១៨ តុលា ២០២១

ដោយ

វ៉ាក់សាំងប្រឆាំងមេរោគ HPV ដែលផលិតដោយខ្លួនឯងដំបូងបង្អស់របស់ចិនឈ្មោះ Cecolin ទទួលបានការអនុម័តពីអង្គការសុខភាពពិភពលោក (WHO) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសាកលវិទ្យាល័យ Xiamen បានឲ្យដឹងថា WHO បានផ្ដល់នូវការយល់ព្រមលើសុវត្ថិភាព និងប្រសិទ្ធភាពរបស់វ៉ាក់សាំងនេះ ហើយទីភ្នាក់ងារលទ្ធកម្មរបស់អង្គការសហប្រជាជាតិ (UN) អាចទទួលវ៉ាក់សាំងនេះបាន ។

អភិវឌ្ឍន៍រួមគ្នាដោយសាកលវិទ្យាល័យ Xiamen និងក្រុមហ៊ុនជីវបច្ចេកវិទ្យា Xiamen Innovax Biotech Co., Ltd. វ៉ាក់សាំង Cecolin ធ្វើឲ្យចិនក្លាយជាប្រទេសទីបីនៅលើពិភពលោក ដែលសម្រេចបាននូវការផ្គត់ផ្គង់វ៉ាក់សាំងការពារមហារីកមាត់ស្បូន បន្ទាប់ពីសហរដ្ឋអាមេរិក និងអង់គ្លេស ។

លោក Zhang Jun ជាអ្នកស្រាវជ្រាវនៅសាកលវិទ្យាល័យ Xiamen និងជាសមាជិកឈានមុខគេម្នាក់នៃក្រុមស្រាវជ្រាវវ៉ាក់សាំង បាននិយាយថា ដោយមានគុណភាពខ្ពស់ និងតម្លៃទាប វ៉ាក់សាំងនេះត្រូវបានគេរំពឹងថា នឹងផ្តល់អត្ថប្រយោជន៍ដល់ស្ត្រីទូទាំងពិភពលោក ជាពិសេសនៅក្នុងបណ្តាប្រទេសកំពុងអភិវឌ្ឍន៍ បន្ទាប់ពីទទួលបានការយល់ព្រមពី WHO ។

បច្ចុប្បន្ននេះកន្លែងមួយចំនួននៅក្នុងខេត្ត Fujian ខេត្ត Jiangxi ខេត្ត Sichuan និងខេត្ត Shandong របស់ប្រទេសចិនបានបញ្ចូលវ៉ាក់សាំង HPV ទៅក្នុងកម្មវិធីចាក់វ៉ាក់សាំងដោយឥតគិតថ្លៃ ឬអនុវត្តយុទ្ធនាការចាក់វ៉ាក់សាំងដោយឥតគិតថ្លៃដល់ក្មេងស្រីអាយុពី ៩ ទៅ ១៤ ឆ្នាំ ៕