ព័ត៌មានអន្ដរជាតិ
វ៉ាក់សាំង Valneva បង្កើតអង់ទីគ័រដល់៩៥% ខ្លាំងជាង AstraZeneca ទៀត
វ៉ាក់សាំងបង្ការកូវីដ-១៩ដែលចក្រភពអង់គ្លេសបានលុបចោលការបញ្ជាទិញ១០០លានដូសកាលពីខែមុនដំណើរការល្អណាស់ក្នុងការបង្កើតប្រព័ន្ធការពាររាងកាយប្រឆាំងនឹងវីរុសកូរ៉ូណា។ នេះបើយោងតាមលទ្ធលធ្វើការសាកល្បងដំណាក់កាលទី៣។
លទ្ធផលតេស្តឈាមពីអ្នកស្ម័គ្រចិត្តដែលបានចាក់វ៉ាក់សាំងនេះមានកម្រិតអង់ទីគ័រខ្ពស់ប្រឆាំងនឹងជំងឺកូវីដ-១៩។
វាមានប្រសិទ្ធភាពខ្លាំងជាងវ៉ាក់សាំង AstraZeneca ដែលផ្អែកលើការធ្វើតេស្តពីម្នាក់ទៅម្នាក់។ ក្រុមហ៊ុន Valneva កំពុងស្នើសុំការអនុម័តសម្រាប់ការប្រើប្រាស់វ៉ាក់សាំងរបស់ខ្លួនដែលផលិតនៅប្រទេស្កុតឡែន។

វាជាប្រភេទវ៉ាក់សាំងការពារមេរោគទាំងមូលដែលអសកម្មពោលគឺមានន័យថា វាផ្ទុកវីរុសកូរ៉ូណាដែលបានស្លាប់មិនអាចបង្កជាជំងឺឡើងវិញបាន។ ដូច្នេះវាមានប្រសិទ្ធភាពដូចទៅនឹងវ៉ាក់សាំងផ្តាសាយ និងជំងឺគ្រុនស្វិតដៃជើង។
ក្រុមហ៊ុនឱសថបារាំង Valneva បាននិយាយថា អត្រាបង្កើតអង់ទីគ័រខ្ពស់ជាង៩៥% ហើយរក្សាមិនបណ្តាលឲ្យឈឺធ្ងន់ ព្រមទាំងមានប្រសិទ្ធភាពប្រឆាំងនឹងវីរុសបំប្លែងខ្លួនកាចសាហាវដូចជា Delta ជាដើម។
សាស្ត្រាចារ្យ Adam Finn ដែលដឹកនាំការធ្វើសាកល្បងមកពីសាកលវិទ្យាល័យ Bristol បានឲ្យដឹងថា លទ្ធផលទាំងនេះពិតជាល្អគួរឲ្យចាប់អារម្មណ៍ និងលើកទឹកចិត្តយ៉ាងខ្លាំង។
លោកថា ៖«លទ្ធផលទាំងនេះបានបង្ហាញថា វាជាបេក្ខភាពវ៉ាក់សាំងដែលនឹងដើរតួនាទីយ៉ាងសំខាន់នៅក្នុងការកម្ចាត់ជំងឺកូវីដ-១៩»។
ក្រុមហ៊ុន Valneva សង្ឃឹមថា ជាដំបូងនឹងទទួលបានការអនុម័តសម្រាប់វ៉ាក់សាំងដល់មនុស្សអាយុ១៨ និង៥៥ឆ្នាំដែលនេះជាចន្លោះអាយុត្រូវបានធ្វើការសាកល្បង។
ក្រុមហ៊ុនបាននិយាយថា ខ្លួនបានចាប់ផ្តើមដំណើរការដើម្បីសុំការអនុម័តវ៉ាក់សាំងជាមួយអាជ្ញាធរសុខភាពរបស់ចក្រភពអង់គ្លេស និងត្រៀមដាក់ស្នើទៅទីភ្នាក់ងារឱសថអឺរ៉ុបទៀត៕
ប្រែសម្រួល៖ វីរបុត្រ
ប្រភព៖ BBC

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ