ព័ត៌មានអន្ដរជាតិ
លោក ត្រាំ ៖ ជួបគ្នា ៤ ឆ្នាំក្រោយ
ថ្លែងទៅកាន់ហ្វូងមនុស្សក្នុងពិធីបុណ្យណូអែលពីសេតវិមាននៃទីក្រុងវ៉ាស៊ីនតោនកាលពីថ្ងៃអង្គារ ប្រធានាធិបតីអាមេរិក ដូណាល់ ត្រាំ បាននិយាយថា “ជួបគ្នា ៤ ឆ្នាំក្រោយ” ។
លោក ត្រាំ នៅតែមិនទាន់ទទួលស្គាល់បរាជ័យការបោះឆ្នោតឆ្នាំ ២០២០ លើលោក ចូ បៃដិន អ្នកប្រជាធិបតេយ្យនៅឡើយទេ ខណៈលោក ត្រាំ បានបង្ហាញខ្លួនដើម្បីបញ្ជាក់ពីការឈរឈ្មោះជាប្រធានាធិបតីឆ្នាំ ២០២៤ នៅសេតវិមាន ។

កាសែត Politico បានរាយការណ៍ដោយដកស្រង់សម្ដីលោក ត្រាំ និយាយថា “វាគួរឲ្យភ្ញាក់ផ្អើលក្នុងរយៈពេល ៤ ឆ្នាំហើយ ។ យើងកំពុងព្យាយាមធ្វើ ៤ ឆ្នាំទៀត ហើយខ្ញុំនឹងជួបអ្នកក្នុងរយៈពេល ៤ ឆ្នាំខាងមុខនេះ” ។
ការអត្ថាធិប្បាយដោយត្រង់ៗរបស់លោកធ្វើឡើងតែប៉ុន្មានសប្តាហ៍ប៉ុណ្ណោះ បន្ទាប់ពីមហាសេដ្ឋីរូបនេះបានចាញ់ការបោះឆ្នោតកាលពីខែមុនលើមេដឹកនាំប្រជាធិបតេយ្យ ចូ បៃដិន ទោះបីជាពេលនេះមិនទាន់ប្រកាសលទ្ធផលជាផ្លូវការក៏ដោយ ។

ការអត្ថាធិប្បាយចុងក្រោយនេះគឺជាលើកដំបូងដែលគាត់បាននិយាយជាសាធារណៈថាគាត់នឹងឈរឈ្មោះបោះឆ្នោត ទោះបីជាយ៉ាងណាក៏ដោយវាមិនច្បាស់ទេថា លោក ត្រាំ និយាយនេះជារឿងលេងសើចឬយ៉ាងណានោះ ។
កាលពីសប្តាហ៍មុនប្រធានាធិបតីរូបនេះហាក់ដូចជាបានទទួលស្គាល់លទ្ធផលចាញ់ការបោះឆ្នោតដោយនិយាយថា ការផ្ទេរអំណាចជាផ្លូវការអាចចាប់ផ្តើមបានសម្រាប់ប្រធានាធិបតីជាប់ឆ្នោតអាមេរិកលោក ចូ បៃដិន ដើម្បីចូលកាន់តំណែង ខណៈលោកក៏ផ្តល់អនុសាសន៍ដល់ទីភ្នាក់ងារសហព័ន្ធសំខាន់មួយក្នុងការធ្វើអ្វីដែលត្រូវធ្វើសម្រាប់រឿងនេះផងដែរ ៕

ប្រែសម្រួលដោយ ៖ ជីវ័ន្ត
ប្រភព ៖ Daily Star

-
ព័ត៌មានអន្ដរជាតិ១០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?