មនុស្ស ៤៦ នាក់ទៀត ស្លាប់ដោយសារជំនន់ទឹកភ្លៀងនៅ ឥណ្ឌា (មានវីដេអូ)

មនុស្សចំនួន៤៦នាក់ បានស្លាប់ដោយសារជំនន់ទឹកភ្លៀង ដែលបង្កឡើងដោយភ្លៀងធ្លាក់ខ្លាំងនៅរដ្ឋ Uttarakhand ភាគខាងជើងប្រទេសឥណ្ឌា។

រូបភាពនិងវីដេអូពីរដ្ឋនេះ បានបង្ហាញពីផ្លូវនិងផ្ទះលិចទឹក ព្រមទាំងស្ពានបាក់។

ក្រុមអ្នកជំនាញនិយាយថា រដ្ឋហិមាល័យដែលជាកន្លែងទេសចរណ៍ដ៏ពេញនិយមមួយនេះ កំពុងជួបប្រទះផលប៉ះពាល់នៃការប្រែប្រួលអាកាសធាតុ និងការសាងសង់លើសលប់។

ទឹកជំនន់ ក៏បានវាយប្រហាររដ្ឋ Kerala ភាគខាងត្បូងផងដែរ ដែលនៅទីនោះ មនុស្សយ៉ាងតិច ២៦ នាក់បានស្លាប់ ក្នុងរយៈពេលប៉ុន្មានថ្ងៃចុងក្រោយនេះ។

គួរបញ្ជាក់ថា រដ្ឋទាំងពីរ បានជួបប្រទះភ្លៀងធ្លាក់ខ្លាំងហួសក្នុងឆ្នាំនេះដោយរដ្ឋ Kerala បានកត់ត្រាបរិមាណទឹកភ្លៀង ៤៥៣.៥ មីល្លីម៉ែត្រ ផ្ទុយពី ១៩២.៧ មីល្លីម៉ែត្រ ដែលជាកម្រិតធម្មតាក្នុងអំឡុងរដូវនេះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ទឹកជំនន់នៅឥណ្ឌា ផ្តាច់ជីវិតមនុស្ស ២៦នាក់