ក្មេងចាក់វ៉ាក់សាំងពេញលេញ បង្ការហានិភ័យឆ្លងកូវីដសឹង ១០០%

ហានិភ័យប្រឈមនឹងការឆ្លងវីរុសកូវីដ-១៩បានថយចុះរហូត ៩០ភាគរយ ចំពោះក្មេង និងជំទង់អាយុពី ១២-១៧ឆ្នាំ ដែលបានចាក់វ៉ាក់សាំងពេញលេញ។ នេះបើយោងតាមការស្រាវជ្រាវថ្មីមួយបានបង្ហាញ។

ក្រុមអ្នកស្រាវជ្រាវមកពីវិទ្យាស្ថានស្រាវជ្រាវ Clalit ប្រទេសអ៊ីស្រាអែល បានវិភាគទិន្នន័យក្មេងជំទង់ចំនួន ៩៤,៣៥៤ នាក់ដែលបានទទួលវ៉ាក់សាំង​ Pfizer ចំនួនពីរដូស។

លទ្ធផលបង្ហាញថា អ្នកចាក់វ៉ាក់សាំងពីរដូសរួចរាល់ អាចបង្ការហានិភ័យនៃរោគសញ្ញាកូវីដ-១៩ ចំនួន ៩៣ភាគរយ និងទប់ស្កាត់ការចម្លងបានខ្ពស់ផងដែរ បើប្រៀបធៀបទៅនឹងអ្នកដែលមិនបានចាក់វ៉ាក់សាំងសោះ។

ដោយឡែកការបោះពុម្ពផ្សាយនៅក្នុងទិនានុប្បវត្តិវេជ្ជសាស្ត្រ NEJM របស់អង់គ្លេស ក៏បានរកឃើញផងដែរថា អ្នកដែលបានចាក់វ៉ាក់សាំងត្រឹមតែមួយដូសដំបូង អាចការពាររោគសញ្ញាកូវីដបាន ៥៧ភាគរយ និងបង្ការការរាតត្បាតបាន ៥៩ ភាគរយ។

ចំណែក ការស្រាវជ្រាវដោយសាកលវិទ្យាល័យ Edinburgh ប្រទេសស្កុតឡេន បានរកឃើញថា វ៉ាក់សាំង Pfizer  មានប្រសិទ្ធភាព ៩០ភាគរយ ក្នុងការការពារការស្លាប់ពីវីរុសបំប្លែងខ្លួន ដែលតា ខណៈវ៉ាក់សាំង ​AstraZeneca មានប្រសិទ្ធភាព ៩១ភាគរយ។

សាស្រ្តាចារ្យ Ran Balicer អ្នកនិពន្ធអត្ថបទនៃការស្រាវជ្រាវរបស់អ៊ីស្រាអែល មានប្រសាសន៍ថា លទ្ធផលទាំងនេះបង្ហាញឱ្យឃើញយ៉ាងច្បាស់ថាមួយសប្តាហ៍ បន្ទាប់ពីចាក់លើកទី ២រួច វាមានប្រសិទ្ធភាពខ្ពស់ចំពោះក្មេងជំទង់ប្រឆាំងនឹងរោគសញ្ញាកូវីដ-១៩ និងប្រឆាំងនឹងការឆ្លងវីរុសកូវីដគ្រប់ប្រភេទ៕

ប្រែសម្រួល៖ សន្យា

ប្រភព៖ Daily Mail

ចុចអាន៖ សិង្ហបុរី នឹងធ្វើតេស្តរហ័សរកកូវីដលើសិស្សសាលាបឋមសិក្សារៀងរាល់ ២ សប្ដាហ៍ម្ដង

ចុចអាន៖ លក្ខខណ្ឌ ៧ ចំណុច ចូលដល់ ថៃ មិនបាច់ធ្វើចត្តាឡីស័ក