WHO ប្រាប់វិធីសាស្រ្ត បញ្ឈប់វីរុសកូវីដ មិនឲ្យបំប្លែងខ្លួនថ្មីៗទៀត

កាលពីថ្ងៃសៅរ៍ទី២៣ខែតុលាឆ្នាំ២០២១ អង្គការសុខភាពពិភពលោក (WHO) បានលើកឡើងអំពីវិធីសាស្រ្ត ដើម្បីបញ្ឈប់វីរុសកូវីដបំប្លែងខ្លួន មិនឲ្យកកើតឡើងជាបន្តទៀត។

នៅក្នុងបទសម្ភាសន៍ជាមួយវិទ្យុ Times អ្នកនាំពាក្យ WHO លោកស្រី Margaret Harris បាននិយាយថា វិធីសាស្រ្តគឺថា ពិភពលោកទាំងមូលត្រូវតែចាក់វ៉ាក់សាំង ដើម្បីបញ្ឈប់វីរុសកូវីដ-១៩ថ្មីៗ ពីការវិវត្ត។

លោកស្រី Harris បាននិយាយថា “អ្វីដែលពិតជានឹងមានឥទ្ធិពលលើការចម្លងសម្រាប់យើងទាំងអស់គ្នា គឺត្រូវធ្វើឲ្យប្រាកដថា មានមេរោគតិចតួចបំផុតតាមដែលអាចធ្វើទៅបាន កំពុងចរាចរនៅជុំវិញពិភពលោក”។

ក្រុមដែលមានអាទិភាពខ្ពស់បំផុត គឺក្រុមដែលប្រឈមនឹងមេរោគគ្រប់ពេលវេលា ដូចជាបុគ្គលិកថែទាំសុខភាពជាដើម ប៉ុន្តែពួកគេមានតែម្នាក់ប៉ុណ្ណោះក្នុងចំណោម ១០ នាក់ ដែលត្រូវបានចាក់វ៉ាក់សាំងនៅអាហ្វ្រិក នាពេលបច្ចុប្បន្ននេះ។

យើងកំពុងស្ថិតនៅក្នុងកន្លែងអាក្រក់បែបនេះនៅក្នុងពិភពលោក យើងនឹងឃើញវីរុសបំប្លែងខ្លួនកាន់តែច្រើនកកើតឡើង យើងនឹងឃើញការឆ្លងកាន់តែច្រើន ហើយបើទោះបីជាវេទមន្តក៏ដោយ វ៉ាក់សាំងការពារប្រជាជនម្នាក់យ៉ាងមានប្រសិទ្ធភាព ប៉ុន្តែវីរុសបំប្លែងខ្លួននឹងកើតឡើងក្នុងខ្លួនអ្នកផ្សេង៕

ប្រែសម្រួល៖ Vann Vann

ប្រភព៖ Guardian

ចុចអាន៖ អាមេរិក ប្រាប់វិធីសំខាន់ ការពារកុមារពីវីរុសបំប្លែងខ្លួន Delta នៅក្នុងសាលារៀន