ខេត្ត ថៃ ចំនួន២ ជាប់ កម្ពុជា រកឃើញអ្នកឆ្លងកូវីដបំប្លែងខ្លួន មិនខ្លាចវ៉ាក់សាំង (មានវីដេអូ)

ករណីវីរុសកូវីដ-១៩បំប្លែងខ្លួន Delta Plus ដំបូងបង្អស់ដែលរកឃើញនៅក្នុងប្រទេសថៃ គឺជាវីរុសបំប្លែងខ្លួន AY.1 មិនមែនប្រភេទ AY.4.2 ដែលកំពុងរីករាលដាលនៅក្នុងចក្រភពអង់គ្លេសនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គនាយកនៃនាយកដ្ឋានវិទ្យាសាស្ត្រវេជ្ជសាស្ត្រ លោកវេជ្ជបណ្ឌិត Supakit Sirilak បាននិយាយនៅក្នុងសន្និសីទសារព័ត៌មានកាលពីថ្ងៃអង្គារទី២៦ខែតុលាថា នាយកដ្ឋានបានរកឃើញករណី Delta Plus (AY.1) មួយករណី នៅក្នុងខ្លួនបុរសម្នាក់មកពីខេត្ត អាយុធ្យា កាលពីខែកញ្ញា និងករណីវីរុស Alpha Plus ចំនួន១៨ករណីផងដែរនៅក្នុងខែកញ្ញាដូចគ្នា។

ក្នុងចំណោមករណីវីរុសកូវីដបំប្លែងខ្លួនប្រភេទ Alpha Plus ដែលថៃរកឃើញថ្មីគឺមាន២ករណីជាអ្នកទោសនៅ Chiang Mai ហើយ ១៦ករណីទៀតគឺនៅក្នុងខេត្ត Chanthaburi ជាប់ខេត្ត បាត់ដំបង និងប៉ៃលិន របស់កម្ពុជានិងខេត្ត Trat ជាប់ខេត្ត កោះកុង ពោធិ៍សាត់ និងបាត់ដំបងរបស់កម្ពុជា។

ករណីវីរុស Alpha Plus ១៦ករណីរួមមានថៃ៤នាក់ និងខ្មែរ១២នាក់ ដែលជាកម្មករចម្ការតាង៉ែន ក្នុងខេត្តភាគខាងកើតទាំងពីរនេះ ជាប់ព្រំដែនកម្ពុជា។

លោកវេជ្ជបណ្ឌិត Supakit បានពន្យល់ថា Alpha Plus គឺជាវីរុសបំប្លែងខ្លួនក្លាយពូជពីប្រភេទ Alpha ហើយមានសមត្ថភាពគេចផុតពីការឆ្លើយតបប្រព័ន្ធភាពស៊ាំ មិនខ្លាចវ៉ាក់សាំង។ ដូច្នេះវាអាចបណ្តាលឲ្យមានរោគសញ្ញាបន្ថែម៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Thai PBS

ចុចអាន៖ ប្រុងប្រយ័ត្ន! វីរុសកូវីដបំប្លែងខ្លួនក្លាយពូជឆ្លងខ្លាំងជាង Delta ចូលដល់ ថៃ ហើយ