ព័ត៌មានអន្ដរជាតិ

បារ៉ែនអនុម័តវ៉ាក់សាំង Sinopharm សម្រាប់ក្មេងអាយុ៣ទៅ១១ឆ្នាំ

បានផុស

៣ years មុន

នៅ

ថ្ងៃពុធ ២៧ តុលា ២០២១

ដោយ

ប្រទេសបារ៉ែនបានអនុម័តជាផ្លូវការនូវវ៉ាក់សាំងបង្ការកូវីដ-១៩របស់ចិន Sinopharm សម្រាប់ចាក់ដល់កុមារអាយុ៣ដល់១១ឆ្នាំ។

ក្រុមការងារវេជ្ជសាស្ត្រជាតិសម្រាប់ការប្រយុទ្ធនឹងជំងឺកូវីដ-១៩បានប្រកាសកាលពីថ្ងៃអង្គារ៍ម្សិលមិញថា វ៉ាក់សាំងនឹងចាប់ផ្តើមដំណើរការចាក់ដល់កុមារក្រុមអាយុនេះចាប់ពីថ្ងៃពុធ ទី២៧ ខែតុលានេះ ហើយឪពុកម្តាយ ឬអាណាព្យាបាលរបស់កូនអាចចុះឈ្មោះដើម្បីចាក់នៅតាមវេបសាយរបស់ក្រសួងសុខាភិបាលបានពីពេលនេះទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីវ៉ាក់សាំងរបស់ចិនខាងលើដែលត្រូវបានអនុម័តសម្រាប់កុមារ ក្រុមការងារវេជ្ជសាស្ត្រជាតិក៏បាននិយាយដែរថា វ៉ាក់សាំងបង្ការកូវីដ-១៩ Pfizer-BioNTech នឹងត្រូវអនុម័តជាផ្លូវការឆាប់ៗសម្រាប់កុមារអាយុ៥ដល់១១ឆ្នាំ។

រហូតដល់ពេលនេះ ប្រទេសបារ៉ែនមានករណីឆ្លងកូវីដ-១៩សរុបចំនួន ២៧៦៦០៨នាក់ និងស្លាប់១៣៩៣នាក់។ ចំនួនឆ្លងប្រចាំថ្ងៃបានធ្លាក់ចុះយ៉ាងខ្លាំងចាប់តាំងពីការឆ្លងប្រចាំថ្ងៃខ្ពស់ខ្លាំងដល់៣២៧៣នាក់កំឡុងពេលផ្ទះលើកទី២ ខណៈកាលពីថ្ងៃចន្ទដើមសប្តាហ៍នេះមានអ្នកឆ្លងថ្មីត្រឹមតែ៣៧នាក់ប៉ុណ្ណោះ។

បើនិយាយពីការចាក់វ៉ាក់សាំងវិញ ប្រទេសដែលមានប្រជាជន១.៧លាននាក់បានចាក់វ៉ាក់សាំងបង្ការកូវីដ-១៩បានប្រមាណ ២៧៤៦៤៦១ដូសដែលស្មើនឹង៨៣.៧%នៃប្រជាជនរបស់ខ្លួនចាក់ពេញដូស៕

ប្រែសម្រួល៖ វីរបុត្រ
ប្រភព៖ reuters

Related Topics:វ៉ាក់សាំងកូវីដ-១៩