ព័ត៌មានអន្ដរជាតិ
ភ្លៀង ៦ ថ្ងៃជាប់គ្នា ភាគខាងត្បូងប្រទេសថៃ កំពុងលិចលង់ធ្ងន់ធ្ងរដោយជំនន់ទឹកភ្លៀង
ស្របពេលប្រជាជាតិអាស៊ានទាំងមូលកំពុងទទួលរងឥទ្ធិពលខ្យល់ម៉ូសុងរដូវរងា ក្រោយរដូវវស្សាបញ្ចប់ទៅ បែរជាតំបន់ភាគខាងត្បូងប្រទេសថៃ កំពុងរងគ្រោះដោយជំនន់ទឹកភ្លៀងទៅវិញ ដោយសារភ្លៀងបានបង្អុលធ្លាក់ប្រមាណជិតមួយសប្តាហ៍ជាប់គ្នា។
ចាប់តាំងពីថ្ងៃពុធសប្តាហ៍មុន មកត្រឹមថ្ងៃអង្គារ៍ដើមសប្តាហ៍នេះ ភ្លៀងបានបង្អុលធ្លាក់យ៉ាងខ្លាំង នៅខេត្ត Nakhon Si Thammarat ដោយបានបង្កជាទឹកជំនន់ប៉ះពាល់ដល់សហគមន៍ពលរដ្ឋរាប់រយកន្លែង ក៏ដូចជាលិចលង់ដីស្រែដំណាំជាច្រើនទៀតផង។
លោក Kraisorn Wisitwong អភិបាលខេត្ត Nakhon Si Thammarat បាននិយាយកាលពីថ្ងៃពុធថា លោកបានណែនាំទៅកាន់ការិយាល័យគ្រប់គ្រងគ្រោះមហន្តរាយដើម្បីតាមដានស្ថានការណ៍ឲ្យដិតដល់ និងចាត់វិធានការបន្ទាន់សម្រាប់សហគមន៍ពលរដ្ឋរងផលប៉ះពាល់នៅពេលនេះ។
យោងតាមការអះអាងពីអភិបាលខេត្តខាងលើ ភូមិសរុប ៣៥១ ក្នុងស្រុកទាំង ១៥ បានកំពុងជន់លិចដោយជំនន់ទឹកភ្លៀង ប៉ះពាល់ដល់លំនៅឋានសរុប ១៦ ៧០៩ខ្នង និងពលរដ្ឋ ៤៧ ៩៣៩នាក់ ខណៈផ្ទះ ១៥ខ្នងត្រូវជំនន់បំផ្លាញទាំងស្រុង ដីស្រែ ២៩១ ១៥៦ហិកតា ត្រូវជន់លិច។
គិតត្រឹមថ្ងៃពុធ កម្ពស់ទឹកតាមតំបន់ជាច្រើនទូទាំងខេត្ត Nakhon Si Thammarat បានឡើងដល់កម្រិត ៧០-១០០ សង់ទីម៉ែត្រ នាំឲ្យផ្លូវសំខាន់ៗសម្រាប់តភ្ជាប់ពីខេត្តមួយទៅខេត្តមួយ មិនអាចឆ្លងកាត់បាន។
ទោះជាយ៉ាងណា មកទល់នឹងពេលនេះ មិនទាន់មានរបាយការណ៍ស្លាប់ក្នុងគ្រោះជំនន់ទឹកភ្លៀងនេះនៅឡើងទេ៕
ប្រែសម្រួល៖ សុភា
ប្រភព៖ Bangkok Post
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»