ព័ត៌មានអន្ដរជាតិ
ធនាគារពិភពលោកផ្អាកប្រតិបត្តិការនៅស៊ូដង់ឆ្លើយតបនឹងមេដឹកនាំរដ្ឋប្រហារ
ធនាគារពិភពលោកបានផ្អាកប្រតិបត្តិការនៅប្រទេសស៊ូដង់កាលពីថ្ងៃពុធជាការឆ្លើយតបនឹងការកាន់កាប់អំណាចរបស់យោធាពីរដ្ឋាភិបាលអន្តរកាលតាមរយៈរដ្ឋប្រហារ។
ស្របពេលជាមួយគ្នានេះ បុគ្គលិកក្រុមហ៊ុនប្រេងរដ្ឋ ក្រុមគ្រូពេទ្យ និងអ្នកបើកយន្តហោះបានចូលរួមជាមួយក្រុមជនស៊ីវិលដើម្បីតវ៉ាប្រឆាំងនឹងការដណ្តើមអំណាច។
មនុស្សរាប់ពាន់នាក់បានចេញតវ៉ាតាមផ្លូវចាប់តាំងពីរដ្ឋប្រហារកាលពីថ្ងៃចន្ទដែលដឹកនាំដោយអគ្គមេបញ្ជាការកងទ័ពលោក Abdel Fattah al-Burhan ហើយមនុស្សជាច្រើននាក់ត្រូវបានសម្លាប់ដោយការប៉ះទង្គិចជាមួយកម្លាំងសន្តិសុខ។
លោក Burhan បានជំទាស់នឹងក្រុមប្រឹក្សាស៊ីវិល-យោធារួមគ្នាដែលត្រូវបានបង្កើតឡើងដើម្បីដឹកនាំប្រទេសឆ្ពោះទៅរកការបោះឆ្នោតប្រជាធិបតេយ្យ បន្ទាប់ពីបានផ្តួលរំលំរបបផ្តាច់ការ Omar al-Bashir ក្នុងការបះបោរដ៏ល្បីរន្ទឺកាលពីខែមេសា ឆ្នាំ២០១៩។
លោកបាននិយាយថា លោកបានធ្វើសកម្មភាពដើម្បីបញ្ឈប់ប្រទេសធ្លាក់ចូលក្នុងសង្គ្រាមស៊ីវិល ប៉ុន្តែការសម្រេចចិត្តរបស់ធនាគារពិភពលោកក្នុងការផ្អាកការទូទាត់ និងបញ្ឈប់ដំណើរការប្រតិបត្តិថ្មីគឺជាការដើរថយក្រោយចំពោះផែនការរបស់លោកសម្រាប់ប្រទេសក្រីក្រនៅអាហ្វ្រិកមួយនេះ។
បន្ទាប់ពីឯកោពីប្រព័ន្ធហិរញ្ញវត្ថុអន្តរជាតិរយៈពេល៣ទសវត្សរ៍ក្នុងសម័យកាលគ្រប់គ្រងរបស់លោក Bashir ប្រទេសស៊ូដង់ទទួលបានការភ្ជាប់ទំនាក់ទំនងពេញលេញវិញជាមួយធនាគារពិភពលោកក្នុងខែមីនា និងទទួលបានហិរញ្ញប្បទាន២ប៊ីលានដុល្លារ។
លោក David Malpass ប្រធានធនាគារពិភពលោកបាននិយាយក្នុងសេចក្តីថ្លែងការណ៍មួយពីទីក្រុងវ៉ាស៊ីនតោនថា ៖«ខ្ញុំពិតជាព្រួយបារម្ភខ្លាំងចំពោះព្រឹត្តិការណ៍ថ្មីៗនៅស៊ូដង់ ហើយខ្ញុំភ័យខ្លាចថា ផលប៉ះពាល់ដ៏អាក្រក់អាចមានលើការស្តារ និងអភិវឌ្ឍសេដ្ឋកិច្ច និងសង្គមរបស់ប្រទេសនេះ»។
លោក Abdalla Hamdok នាយករដ្ឋមន្ត្រីក្នុងរដ្ឋាភិបាលអន្តរកាលត្រូវបានទម្លាក់បានចាត់ទុកការចូលរួមឡើងវិញរបស់ធនាគារពិភពលោកជាជោគជ័យធំមួយ និងកំពុងពឹងផ្អែកលើហិរញ្ញប្បទានសម្រាប់គម្រោងអភិវឌ្ឍធំៗជាច្រើន។
រដ្ឋាភិបាលបានកង្កើតកំណែទម្រង់សេដ្ឋកិច្ចដ៏លំបាកដែលទទួលបានជោគជ័យក្នុងការជម្រះបំណុល និងការបន្ធូរបន្ថយបំណុលយ៉ាងឆាប់រហ័ស ព្រមទាំងទទួលបានការផ្តល់ហិរញ្ញប្បទានជាថ្មីពីធនាគារពិភពលោក និង IMF ថែមទៀតផង៕
ប្រែសម្រួល៖ វីរបុត្រ
ប្រភព៖ reuters
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ