សិង្ហបុរី កំពុងជួបរលកឆ្លងកូវីដច្រើន និងលឿនខុសធម្មតា មិនធ្លាប់មាន

ក្រសួងសុខាភិបាលសិង្ហបុរីបាននិយាយថា ខ្លួនកំពុងតាមដានមើលទៅលើករណីឆ្លងកូវីដ ១៩ ដែលកើនឡើងខុសពីធម្មតា បន្ទាប់ពីប្រទេសនេះបានកត់ត្រាករណីឆ្លងថ្មីចំនួន ៥,៣២៤ ករណីកាលពីថ្ងៃពុធ ដែលជាចំនួនច្រើនបំផុត ចាប់តាំងពីការចាប់ផ្តើមនៃរោគរាតត្បាត ។

ទន្ទឹមនោះប្រទេសសិង្ហបុរីក៏បានកត់ត្រាអ្នកស្លាប់ថ្មីចំនួន ១០ នាក់ផងដែរ ដោយបានបង្កើនចំនួនអ្នកស្លាប់ដល់ ៣៤៩ នាក់ ។

ក្រសួងសុខាភិបាល (MOH) បាននិយាយនៅក្នុងសេចក្តីថ្លែងការណ៍មួយថ្ងៃពុធថា “ចំនួននៃករណីឆ្លងគឺខ្ពស់ និងលឿនខុសពីធម្មតា ហើយអ្នកវិជ្ជមានទាំងនោះភាគច្រើនរកឃើញដោយការធ្វើតេស្តនៅមន្ទីរពិសោធន៍” ។

ក្រសួងបញ្ជាក់ថា​ ខ្លួនកំពុងរកមើលការកើនឡើងមិនធម្មតានេះ ហើយនឹងតាមដានយ៉ាងដិតដល់នូវនិន្នាការឆ្លងនេះរយៈពេលពីរបីថ្ងៃខាងមុខ ។

ស្របពេលជាមួយគ្នានេះ ការរីករាលដាលនៃករណីឆ្លងនាពេលថ្មីៗនេះ បន្ទាប់ពីការបន្ធូរបន្ថយការរឹតបន្តឹងមួយចំនួន បានជំរុញឲ្យសិង្ហបុរីពន្យារពេលការបើកប្រទេសឡើងវិញផងដែរ ។

ប្រទេសនេះក៏បានពង្រីកការទប់ស្កាត់បម្រាមសង្គមរបស់ខ្លួនកាលពីសប្តាហ៍មុនផងដែរ ដើម្បីទប់ស្កាត់ការរីករាលដាលនៃជំងឺកូវីដ ១៩ ដើម្បីបន្ធូរបន្ថយសម្ពាធលើប្រព័ន្ធថែទាំសុខភាព បើទោះជាង ៨០ ភាគរយនៃប្រជាជនសិង្ហបុរីត្រូវបានចាក់វ៉ាក់សាំងប្រឆាំងវីរុសក៏ដោយ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ ប្រព័ន្ធសុខាភិបាល សិង្ហបុរី កំពុងស្ថិតនៅមាត់ជ្រោះ សល់គ្រែក្នុងបន្ទប់ ICU ត្រឹមតែ ៦០ ប៉ុណ្ណោះ