ព័ត៌មានអន្ដរជាតិ

គិលានុបដ្ឋាយិកា ស្រែកអង្វរប្រជាជនកុំឲ្យជួបជុំគ្នានៅថ្ងៃបុណ្យណូអែល ក្នុងឆ្នាំនេះ

បានផុស

៤ years មុន

នៅ

ថ្ងៃព្រហស្បតិ៍ ៣ ធ្នូ ២០២០

ដោយ

Molly-Elizabeth Francis មានដើមកំណើតនៅ Dublin ប្រទេស អៀរឡង់ បាននិយាយថា នាងបានយំយ៉ាងខ្លាំងនៅកន្លែងធ្វើការ បន្ទាប់ពីបានសរសេរសុំអង្វរក្រុមគ្រួសារនិងប្រជាជនក្នុងប្រទេស មិនឲ្យមានការជួបជុំគ្នានៅថ្ងៃបុណ្យណូអែល ខណៈដែលនាងកំពុងតែតស៊ូដើម្បីជួយសង្គ្រោះជីវិតអ្នកជំងឺកូវីដ-១៩ ដែលធ្ងន់ធ្ងរ។

Molly ដែលកំពុងព្យាបាលអ្នកជម្ងឺកូវីដ-១៩ នៅឯមន្ទីរពេទ្យ St Peter’s ក្នុងទីក្រុង Albany រដ្ឋញូវយ៉ក បានចែករំលែករូបថត Selfie នៃស្នាមក្រហមនៅលើមុខរបស់នាង ក្នុងឈុត PPE និងការឈឺចាប់ពេញរាងកាយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហោះរបស់នាងត្រូវបានចែកចាយច្រើនជាង ៥០០០០ ដង និងមានអ្នកបញ្ចេញយោបល់ជាង ៩.៥០០ ព្រមទាំងមានអ្នកជំរុញឲ្យមានការគាំទ្របន្ថែមទៀត។

នាងបានសរសេរបែបអង្វរករនិងអស់សង្ឃឹមក្នុងហ្វេសបុកថា “ គ្រប់គិលានុបដ្ឋាយិកា គឺតែងតែឃើញអ្នកជំងឺជារៀងរាល់ថ្ងៃ ហើយហើយក្នុងចំណោមអ្នកជំងឺ ៥ នាក់របស់ខ្ញុំ អាចនឹងមានម្នាក់ស្លាប់ តែយ៉ាងណាខ្ញុំនៅតែក្បែរពួកគេនៅយប់នោះ។ ខ្ញុំក៏បានឃើញមនុស្សដដែលនិយាយថាមិនអីទេ ក្នុងការជួបជុំគ្នាជាក្រុមសម្រាប់ថ្ងៃឈប់សម្រាក។ ខ្ញុំដឹងថាពិបាកដែលមិនបានជួបជុំក្រុមគ្រួសារនិងមនុស្សជាទីស្រលាញ់នៅឆ្នាំនេះ ប៉ុន្តែមុនសប្បាយ សូមគ្រប់គ្នាគិតដល់អាយុជីវិត ” ។

ក្នុងនាមបុគ្គលិកសុខាភិបាល យើងមិនអាចប្រយុទ្ធប្រឆាំងនឹងបញ្ហានេះ តែម្នាក់ឯងបានទេ។ យើងត្រូវការសហគមន៍របស់យើង ដើម្បីរួមគ្នាហើយយកចិត្តទុកដាក់ខ្ពស់ជាងមុន។ យើងជាគិលានុបដ្ឋាយិការបស់អ្នកទាំងអស់គ្នា។ យើងកំពុងប្រយុទ្ធ ប៉ុន្តែយើងនឿយហត់ណាស់។ សូមចូលរួមចំណែករបស់អ្នក យើងនឹងបំពេញភារកិច្ចរបស់យើង៕

ប្រែសម្រួល៖សាង ស្រីល័ក្ខ

ប្រភព៖dailysta

ចុចអាន៖ស្របពេលអង់គ្លេសអនុម័តលើវ៉ាក់សាំងកូវីដ១៩ដំបូងគេ ស្ត្រីមានផ្ទៃពោះមិនអនុញ្ញាតឲ្យប្រើថ្នាំនេះឡើយ

ចុចអាន៖លោក Putin បញ្ជាឲ្យចាប់ផ្តើមយុទ្ធនាការចាក់វ៉ាក់សាំងកូវីដ ១៩ ទ្រង់ទ្រាយធំដល់ពលរដ្ឋ

Related Topics:គិលានុបដ្ឋាយិកា