ព័ត៌មានអន្ដរជាតិ

និយតករប្រេស៊ីលរងការគំរាមសម្លាប់ដោយជុំវិញវ៉ាក់សាំងកូវីដកុមារ

បានផុស

៣ years មុន

នៅ

ថ្ងៃសៅរ៍ ៣០ តុលា ២០២១

ដោយ

អាជ្ញាធរសុខភាពប្រេស៊ីល Anvisa បាននិយាយកាលពីថ្ងៃសុក្រថា នាយកផ្នែកទាំង៥នាក់របស់ខ្លួនបានរងការគំរាមសម្លាប់ជុំវិញលទ្ធភាពអនុម័តការចាក់វ៉ាក់សាំងបង្ការកូវីដ-១៩ដល់កុមារអាយុ៥ទៅ១១ឆ្នាំ។

ក្នុងសេចក្តីថ្លែងការណ៍ Anvisa បាននិយាយថា ខ្លួនបានរាយការណ៍ពីការគំរាមសម្លាប់តាមអ៉ីម៉ែលទៅប៉ូលិស និងព្រះរាជ្ញារួចហើយ។ សារដែលត្រូវផ្ញើចេញកាលពីព្រឹកថ្ងៃព្រហស្បតិ៍បានគំរាមស្លាប់នាយកផ្នែកទាំងអស់របស់ទីភ្នាក់ងារដែលអនុម័តវ៉ាក់សាំងសម្រាប់ក្រុមកុមារអាយុទាំងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការគំរាមសម្លាប់បានកើតមានឡើង បន្ទាប់ពីវ៉ាក់សាំង Pfizer (PFE.N) បាននិយាយកាលពីថ្ងៃពុធថា ខ្លួនស្វែងរកការអនុម័តពី Anvisa សម្រាប់វ៉ាក់សាំងរបស់ខ្លួនដើម្បីចាក់ដល់កុមារអាយុ៥ទៅ១១ឆ្នាំ។

គណៈកម្មាធិការប្រឹក្សារបស់រដ្ឋបាលចំណីអាហារ និងឱសថ (FDA)អាមេរិកបានអនុញ្ញាតការប្រើប្រាស់វ៉ាក់សាំង Pfizer សម្រាប់ក្រុមកុមារអាយុនេះ ប៉ុន្តែចាក់ដូសកម្រិតទាប។

ប្រេស៊ីលជាប្រទេសមួយដែលមានអត្រាអនុម័យការចាក់វ៉ាក់សាំងខ្ពស់បំផុតក្នុងពិភពលោក និងបានចាប់ផ្តើមចាក់ដល់ប្រជាជនលឿន បន្ទាប់ពីចាប់ផ្តើមដំបូងយឹត។ ទោះបីជាយ៉ាងណា ក្រុមអ្នកប្រឆាំងបានកើនឡើងកាលពីឆ្នាំមុនដែលផ្នែកខ្លះត្រូវបានគាំទ្រដោយលោកប្រធានាធិបតីប្រេស៊ីល Jair Bolsonaro ដែលលោកក៏បានបដិសេធចាក់វ៉ាក់សាំងបង្ការកូវីដដែរ។

រហូតដល់ពេលនេះ កូវីដ-១៩បានសម្លាប់មនុស្សជាង៦សែននាក់នៅក្នុងប្រទេសប្រេស៊ីល ដែលស្ថិតចំណាត់ថ្នាក់លេខ២ក្នុងលោកដែលមានមនុស្សស្លាប់ច្រើនបំផុត បន្ទាប់ពីសហរដ្ឋអាមេរិកលេខ១៕

ប្រែសម្រួល៖ វីរបុត្រ
ប្រភព៖ reuters