ព័ត៌មានអន្ដរជាតិ

ទីភ្នាក់ងារចារកម្មអាមេរិកថា ប្រភពដើមកូវីដប្រហែលជារកមិនឃើញទេ

បានផុស

៣ years មុន

នៅ

ថ្ងៃសៅរ៍ ៣០ តុលា ២០២១

ដោយ

ទីភ្នាក់ងារចារកម្មសហរដ្ឋអាមេរិកនិយាយនៅថ្ងៃសុក្រថា ពួកគេប្រហែលជាមិនអាចរកឃើញប្រភពដើមនៃជំងឺកូវីដ-១៩ឡើយ នៅពេលពួកគេបានចេញកំណែថ្មីនៃការត្រួតពិនិត្យលំអិតជាងមុនអំពីកូរ៉ូណាដែលឆ្លងពីសត្វទៅមនុស្ស ឬលេចចេញពីមន្ទីរពិសោធ។

ការិយាល័យប្រធានចារកម្មជាតិសហរដ្ឋអាមេរិក (ODNI) បាននិយាយក្នុងរបាយការណ៍មិនចាត់ចំណាត់ថ្នាក់មួយថា ប្រភពដើមធម្មជាតិ និងលេចចេញពីមន្ទីរពិសោធគឺជាសម្មតិកម្មនៃរបៀបដែលវីរុស SARS-COV-2 ឆ្លងមនុស្សលើកដំបូង។ ប៉ុន្តែនិយាយថា អ្នកវិភាគមិនឯកភាពទេដែលមិនមានការអះអាងណាមួយជាក់លាក់ត្រូវបានធ្វើឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ក៏បានច្រានចោលដែលលើកឡើងថា ប្រភពដើមកូរ៉ូណាជាអាវុធជីវសាស្ត្រដោយនិយាយថា អ្នកគាំទ្រទ្រឹស្តីនេះមិនបានចូលផ្ទាល់ទៅវិទ្យាស្ថានវីរុសសាស្ត្រអ៊ូហានឡើយ និងបានចោទប្រកាន់ពីការផ្សព្វផ្សាយមិនពិត។

របាយការណ៍បានចេញកាលពីថ្ងៃសុក្រជាការធ្វើបច្ចុប្បន្នភាពនៃការត្រួតពិនិត្យរយៈពេល៩០ថ្ងៃដែលរដ្ឋបាលរបស់លោកប្រធានាធិបតី ចូ បៃដិន បានចេញកាលពីខែសីហា ចំពេលមានការវាយប្រហារខ្លាំងលើប្រទេសចិនអំពីកូវីដ-១៩ប៉ះពាល់ខ្លាំងជាសកល។

កាលពីថ្ងៃសុក្រ ប្រទេសចិនបានឆ្លើយតបនឹងរបាយការណ៍។ អ្នកស្រី Liu Pengyu អ្នកនាំពាក្យស្ថានទូតចិនប្រចាំទីក្រុងវ៉ាស៊ីនតោនបាននិយាយក្នុងសេចក្តីថ្លែងការណ៍តាមអ៉ីមែលមួយថា ៖«ចំណាត់ការសហរដ្ឋអាមេរិកកំពុងពឹងផ្អែកលើការស៊ើបអង្កេតរបស់ខ្លួនប៉ុណ្ណោះដែលផ្ទុយពីលក្ខណៈវិទ្យាសាស្ត្រក្នុងការរុករកប្រភពដើមកូវីដ-១៩គឺជាបញ្ហាប្រឈមនយោបាយទាំងស្រុង»៕

ប្រែសម្រួល៖ វីរបុត្រ
ប្រភព៖ reuters

Related Topics:កូវីដ-១៩