ព័ត៌មានអន្ដរជាតិ

ជំនួបកំពូល G20 ផ្តល់អ្វីថ្មីតិចតួចរឿងដំណោះស្រាយកម្តៅអាកាសធាតុ

បានផុស

៣ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

មេដឹកនាំបណ្តាទេសអ្នកមានទាំង២០ (G20) បានឯកភាពលើសេចក្តីថ្លែងការណ៍ចុងក្រោយមួយកាលពីថ្ងៃអាទិត្យដែលជំរុញចំណាត់ការប្រកបដោយអត្ថន័យ និងប្រសិទ្ធភាពដើម្បីកំណត់កម្តៅអាកាសធាតុជាសាកលឲ្យសល់ត្រឹម១.៥អង្សាសេ ប៉ុន្តែត្រូវមានការប្តេជ្ញាចិត្តជាក់លាក់មួយចំនួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លទ្ធផលនៃការចរចាដ៏តឹងតែងប៉ុន្មានថ្ងៃក្នុងចំណោមអ្នកការទូតមិនសម្រេចធំដុំឡើយដោយបន្សល់ទុកការងារដ៏ធំទៀតដល់កិច្ចប្រជុំកំពូលរបស់អង្គការសហប្រជាជាតិស្តីអាកាសធាតុនៅប្រទេសស្កុតឡែនក្នុងសប្តាហ៍នេះដែលមេដឹកនាំ G20 គ្រោងហោះហើរផ្ទាល់ចេញពីទីក្រុងរ៉ូមតែម្តង។

លោកប្រធានាធិបតីសហរដ្ឋអាមេរិក ចូ បៃដិន បាននិយាយថា លោកខកចិត្តដែលរឿងរ៉ាវជាច្រើនមិនត្រូវបានសម្រេច ហើយបានបន្ទោសទៅលើប្រទេសចិន និងរុស្ស៊ីដែលមិនបាននាំយកសំណើរទៅកាន់តុ។

លោកបានប្រាប់អ្នកកាសែតថា ៖«រឿងខកចិត្តទាក់ទងនឹងរុស្ស៊ី និងចិន ដែលមិនបានបង្ហាញពីឆន្ទៈដើម្បីប្តេជ្ញាចិត្តដើម្បីដោះស្រាយអកាសធាតុប្រែប្រួល»។

ទោះជាជំនួប G20 បានសន្យាដើម្បីបញ្ឈប់ការផ្តល់ហិរញ្ញប្បទានធ្យូងថ្មីកក្រៅប្រទេស ក៏ពួកគេមិនបានកំណត់ពេលវេលាបញ្ឈប់វានៅប្រទេសរបស់ខ្លួនទេ ហើយទម្លាក់ការសន្យាលើការកាត់បន្ថយការបំភាយមេតានដែលជាឧស្ម័នផ្ទះកញ្ចក់ដ៏មានឥទ្ធិពលមួយ។

ទោះបីជាយ៉ាងណា នាយករដ្ឋមន្ត្រីអ៉ីតាលី Mario Draghi ដែលជាប្រធានកិច្ចប្រជុំកំពូលនៅទីក្រុងរ៉ូមនេះបានសាទរចំពោះការព្រមព្រៀងចុងក្រោយដោយនិយាយថា នេះជាលើកដំបូងដែលបណ្តារដ្ឋ G20 បានយល់ព្រមពីសារសំខាន់នៃកម្តៅសីតុណ្ហភាពសកលមកនូវត្រឹមកម្រិត១.៥អង្សាសេដែលអ្នកវិទ្យាសាស្ត្រនិយាយថា កម្រិតនេះសំខាន់ដើម្បីជៀសវាងគ្រោះមហន្តរាយធម្មជាតិ។

ប្លុក G20 ដែលរាប់បញ្ចូលទាំងប្រេស៊ីល ឥណ្ឌា អាល្លឺម៉ង់ និងសហរដ្ឋអាមេរិកមាន៦០%នៃឧស្ម័នផ្ទះកញ្ចក់ជាសកលដែលត្រូវបានប៉ាន់ស្មាន៨០%។

កម្រិតសីតុណ្ហភាព ១.៥អង្សាសេគឺជាអ្វីដែលអ្នកជំនាញអង្គការសហប្រជាជាតិនិយាយថា ត្រូវតែបំពេញដើម្បីជៀសវាងចំពោះការកើនឡើងពីព្រឹត្តិការណ៍អាកាសធាតុដ៏អាក្រក់ដូចជា គ្រោះរាំងស្ងួត ព្យុះ និងទឹកជំនន់ ហើយដើម្បីឈានដល់សម្រេចគោលដៅ ពួកគាត់បានផ្តល់អនុសាសន៍ថា ការសាយភាយឧស្ម័នសូន្យគួរតែទទួលបានជោគជ័យនៅត្រឹមឆ្នាំ២០៥០។

សេចក្តីថ្លែងការណ៍បានលើកឡើងថា ៖«យើងទទួលស្គាល់ថា ផលប៉ះពាល់នៃអាកាសធាតុប្រែប្រួលត្រឹម១.៥អង្សាសេតិចឆ្ងាយជាង២អង្សាសេ។ ការរក្សាត្រឹម១.៥អង្សាសេក្នុងកម្រិតនេះទាមទារឲ្យមានចំណាត់ការប្រកបដោយអត្ថន័យ និងប្រសិទ្ធភាព ហើយប្តេជ្ញាចិត្តដោយប្រទេសទាំងអស់»។

មេដឹកនាំទទួលស្គាល់ពីភាពពាក់ព័ន្ធសំខាន់ៗនៃការសាយភាយកាបូនសូន្យត្រឹមពាក់កណ្តាលសតវត្សរ៍នេះ។

ប្រទេសចិនជាប្រទេសមានការសាយភាយឧស្ម័នកាបូនធំជាងគេបំផុតក្នុងពិភពលោកបានដាក់គោលដៅត្រឹមឆ្នាំ២០៦០ ហើយប្រទេសដែលបំពុលបរិយាកាសធំៗទៀតដូចជា ឥណ្ឌា និងរុស្ស៊ី ក៏មិនបានប្តេជ្ញាចិត្តលើគោលដៅឆ្នាំ២០៥០ដែរ។

អ្នកជំនាញអង្គការសហប្រជាជាតិនិយាយថា ទោះជាផែនការជាតិបច្ចុប្បន្នត្រូវបានអនុវត្តពេញលេញក៏ដោយ ក៏ពិភពលោកកំពុងឆ្ពោះទៅរកការឡើងកម្តៅជាសកលដល់២.៧អង្សាសេដែលមានឥទ្ធិពលលើព្រឹត្តិការណ៍អាកាសធាតុអាក្រក់ដូចជា គ្រោះរាំងស្ងួត ព្យុះ និងទឹកជំនន់។

សេចក្តីព្រាងរាប់បញ្ចូលទាំងការសន្យាបញ្ឈប់ការផ្តល់ហិរញ្ញប្បទានដល់ការផលិតថាមពលអគ្គីសនីដើរដោយធ្យូងថ្មត្រឹមចុងឆ្នាំនេះ ប៉ុន្តែមិនបានកំណត់កាលបរិច្ឆេទសម្រាប់ការផ្អាកថាមពលធ្យូងថ្មទេ ដោយគ្រាន់តែសន្យាថា ធ្វើឲ្យបានលឿនបំផុតតាមដែលអាចទៅរួច៕

ប្រែសម្រួល៖ វីរបុត្រ
ប្រភព៖ reuters

Related Topics:ក្រុមប្រទេស G20