អ្នកពន្លត់អគ្គិភ័យ ៩នាក់ស្លាប់ក្នុង សោកនាដកម្មដ៏រន្ធត់ នៅ ប្រេស៊ីល

អ្នកពន្លត់អគ្គិភ័យចំនួន ៩នាក់បានស្លាប់ ក្នុងហេតុការណ៍បាក់រូងភ្នំ នៅពេលការហ្វឹកហ្វឺនរបស់ពួកគេ ប្រែក្លាយទៅជាសោកនាដកម្មដ៏រន្ធត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលហេតុការណ៍កើតឡើង មានសមាជិក ២៨នាក់នៃនាយកដ្ឋានពន្លត់អគ្គិភ័យយោធា Sao Paulo ស្ថិតនៅក្នុងរូងភ្នំនៃទីក្រុង São Paulo ប្រទេស ប្រេស៊ីល។

អ្នក​ពន្លត់​អគ្គិភ័យ​៩​នាក់ក្នុងចំណោមនោះ ​បាន​ស្លាប់ និង​ជា​ច្រើន​នាក់​ទៀត ​រង​របួស​។

ពីដំបូង កិច្ច​ខិត​ខំ​ប្រឹង​ប្រែង​ ​ជួយ​សង្គ្រោះ​ត្រូវ​បាន​រារាំង​ដោយ​ភ្លៀង​ធ្លាក់​ខ្លាំង​នៅ​ក្នុង​តំបន់។ ប៉ុន្តែ​គិត​ត្រឹម​ថ្ងៃ​អាទិត្យ ប្រតិបត្តិការ​ជួយ​សង្គ្រោះ​ត្រូវ​បាន​បញ្ចប់ ហើយ​មិន​មាន​ជន​រងគ្រោះ​ណា​ម្នាក់​ទៀត​បាត់​ខ្លួន​ឡើយ។

គួរបញ្ជាក់ថា សោកនាដកម្មនេះ បានកើតឡើងក្បែរតំបន់ Altinópolis ដែលត្រូវបានគេស្គាល់ថាជាកន្លែងសម្បូររូងភ្នំ និងជាទីដ៏ពេញនិយមពីសំណាក់អ្នកទេសចរ។

រូងភ្នំចំនួនប្រាំបីនៅទីនោះ ត្រូវបានអ្នកទេសចរសម្រុកទៅទស្សនាយ៉ាងច្រើនកុះករ ដោយសារតែទេសភាពដ៏ស្រស់ស្អាត។

ហេតុការណ៍នេះ កើតឡើងតែមួយឆ្នាំប៉ុណ្ណោះ បន្ទាប់ពីសោកនាដកម្មស្រដៀងគ្នានេះ បានសម្លាប់មនុស្សយ៉ាងតិច៥០នាក់ បន្ទាប់ពីអណ្តូងរ៉ែមាសមួយ បានបាក់នៅទ្វីបអាហ្វ្រិក៕

ប្រែសម្រួល៖ Vann Vann

ប្រភព៖ Mirror

ចុចអាន៖ ថតជាប់អាចម៍ផ្កាយផ្ទុះភ្លឺចិញ្ចាញលើមេឃក្នុងប្រទេស ប្រេស៊ីល (មានវីដេអូ)