បាងកក ទទួលទេសចរ ជាង ៧,០០០ នាក់នៅថ្ងៃដំបូងនៃការបើកប្រទេស ថៃ

អាកាសយានដ្ឋានសុវណ្ណភូមិ ទីក្រុង បាងកក បានទទួលស្វាគមន៍អ្នកទេសចរជាង ៧,០០០នាក់ ដោយជើងហោះហើរចំនួន ១១០ បានចុះចតនៅព្រឹកថ្ងៃចន្ទទី១ខែវិច្ឆិកា ដែលជាថ្ងៃដំបូងនៃការបើកដំណើរការឡើងវិញរបស់ប្រទេសថៃ។

អ្នកទេសចរទាំងអស់ត្រូវបានត្រួតពិនិត្យយ៉ាងតឹងរ៉ឹងនៅព្រលានយន្តហោះ ដោយចាប់ផ្តើមពីដំបូងគឺការវាស់កម្តៅ។

បុគ្គលិកប៉ុស្តិ៍ត្រួតពិនិត្យជំងឺ ក៏នៅឈរចាំ ដើម្បីនាំអ្នកដំណើរដែលមានសីតុណ្ហភាពរាងកាយលើសពី ៣៧.៣ អង្សាសេ ទៅកាន់មន្ទីរពេទ្យ ឬកន្លែងធ្វើចត្តាឡីស័កផងដែរ។

រីឯអ្នកដំណើរដែលមានសីតុណ្ហភាពធម្មតា ត្រូវបានអនុញ្ញាតឲ្យបន្តទៅកន្លែងអន្តោប្រវេសន៍ មុនពេលយកអីវ៉ាន់របស់ពួកគេ ហើយធ្វើដំណើរទៅកាន់កន្លែងស្នាក់នៅ៕

ប្រែសម្រួល៖ Vann Vann

ប្រភព៖ The Star

ចុចអាន៖ បើកប្រទេសទទួលភ្ញៀវទេសចរថ្ងៃនេះ ថៃ ព្រមានប្រជាជនកុំផឹកគ្រឿងស្រវឹងតាមទីសាធារណៈផ្ដេសផ្ដាស