ព័ត៌មានអន្ដរជាតិ
វ៉ាក់សាំង Novavax ទទួលបានការអនុញ្ញាតប្រើបន្ទាន់លើកដំបូងពីប្រទេសអាស៊ានមួយនេះ
ប្រទេសឥណ្ឌូណេស៊ីបានក្លាយជាប្រទេសដំបូងគេក្នុងពិភពលោកដែលបានអនុញ្ញាតប្រើបន្ទាន់នូវវ៉ាក់សាំងបង្ការកូវីដ-១៩ Novavax ដែលប្រើបច្ចេកវិទ្យាខុសគេ។
សម្រាប់ឥណ្ឌូណេស៊ី វ៉ាក់សាំងនេះត្រូវបានផលិតដោយស្ថាប័នផលិតវ៉ាក់សាំងធំបំផុតក្នុងពិភពលោកគឺវិទ្យាស្ថាន Serum Institute និងលក់ស្ថិតក្រោមឈ្មោះម៉ាក Covovax របស់ក្រុមហ៊ុនឥណ្ឌា។
ក្រុមហ៊ុនវ៉ាក់សាំង Novavax បាននិយាយថា ការនាំចេញដំបូងទៅកាន់ប្រទេសឥណ្ឌូណេស៊ីត្រូវបានរំពឹងចាប់ផ្តើមឆាប់ៗនាពេលខាងមុខ។

វ៉ាក់សាំងដែលចាក់ពីរដូសនេះមិនទាមទារឲ្យរក្សាទុកក្នុងសីតុណ្ហភាពត្រជាក់ទេដែលខុសពីវ៉ាក់សាំងផ្សេងរក្សាទុកក្នុងសីតុណ្ហភាពត្រជាក់ខ្លាំង ដូច្នេះវាងាយស្រួលក្នុងការប្រើប្រាស់ ហើយនឹងដើរតួនាទីសំខាន់ក្នុងការផ្គត់ផ្គង់បន្ថែមទៅប្រទេសក្រីក្រទូទាំងពិភពលោក។
វ៉ាក់សាំងនេះត្រូវបានផលិតជាមួយនឹងការចម្លងនៃប្រូតេអ៉ីនពីមន្ទីរពិសោធដើម្បីប្រឆាំងវីរុសដែលខុសគ្នាឆ្ងាយពីវ៉ាក់សាំងប្រើមុខងារ mRNA ដូចជា Pfizer និង Moderna ដែលណែនាំហ្សែនរបស់រាងកាយឲ្យបង្កើតប្រូតេអ៉ីនដោយខ្លួនឯង។
លោក Dicky Budiman អ្នកឯកទេសជំងឺឆ្លងឥណ្ឌូណេស៊ីបាននិយាយថា ការអនុញ្ញាតឲ្យប្រើប្រាស់វ៉ាក់សាំងនេះបន្ទាន់គឺជាជំហានដ៏សំខាន់មួយទៀតសម្រាប់កម្មវិធីចាក់វ៉ាក់សាំងបង្ការកូវីដ-១៩របស់ឥណ្ឌូណេស៊ី។
លោកថា៖«វ៉ាក់សាំងនេះងាយស្រួលខ្លាំងក្នុងការដឹកជញ្ជូន ការរក្សាទុក និងចែកចាយទៅកាន់ទីតាំងនានានៅឥណ្ឌូណេស៊ី ដែលមានកោះច្រើន»។
លោក Budiman បន្តថា ប្រសិនបើដំណើរការទទួលបានជោគជ័យ វាអាចឈានទៅដល់ការអនុម័ត និងប្រើប្រាស់នៅក្នុងបណ្តាប្រទេសកំពុងអភិវឌ្ឍផ្សេងទៀត។
សេចក្តីត្រូវការវ៉ាក់សាំងនៅតែមានច្រើនតាមបណ្តាប្រទេសនានារួមបញ្ចូលទាំងប្រទេសឥណ្ឌូណេស៊ីផង។
កាលពីខែមិថុនា ក្រុមហ៊ុនវ៉ាក់សាំង Novavax ស្ថិតនៅសហរដ្ឋអាមេរិកបានប្រកាសថា វ៉ាក់សាំងនេះមានប្រសិទ្ធភាពប្រហែល៩០%ប្រឆាំងនឹងជំងឺមានរោគសញ្ញា ក្នុងនោះក៏ប្រឆាំងនឹងវីរុសបំប្លែងខ្លួននានាផងដែរ។ នេះបើតាមការសិក្សាលើមនុស្សជិត៣ម៉ឺននាក់នៅសហរដ្ឋអាមេរិក និងម៉ិកស៊ិក។ ចំណែកផលរំខានក្រោយចាក់វិញគឺកម្រិតស្ររាលដូចជាឈឺក្បាល និងអស់កម្លាំងជាដើម៕
ប្រែសម្រួល៖ វីរបុត្រ
ប្រភព៖ reuters

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ