ព័ត៌មានអន្ដរជាតិ

ប្រទេសក្រីក្រអង្វរឲ្យប្រទេសអ្នកមានបំពេញការសន្យាលើអាកាសធាតុ

បានផុស

៣ years មុន

នៅ

ថ្ងៃអង្គារ ២ វិច្ឆិកា ២០២១

ដោយ

បណ្តាប្រទេសកំពុងអភិវឌ្ឍនានាបានអំពាវនាវឲ្យមេដឹកនាំប្រទេសអភិវឌ្ឍគោរពពាក្យសន្យាលើការទប់ស្កាត់អាកាសធាតុប្រែប្រួលនៅពេលពួកគេចូលរួមកិច្ចប្រជុំកំពូលស្តីពីអាកាសធាតុនៅទីក្រុង GLASGOW ដើមសប្តាហ៍នេះ។

មេដឹកនាំពិភពលោក អ្នកជំនាញបរិស្ថាន និងសកម្មជនទាំងអស់បានអង្វរឲ្យមានចំណាត់ការតាមការសម្រេចចិត្តដើម្បីទប់ស្កាត់ការកើនឡើងកម្តៅសាកលដែលគំរាមកំហែងអនាគតផែនដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភារកិច្ចដែលកំពុងប្រឈមដល់អ្នកចរចាត្រូវធ្វើកាន់តែធ្ងន់ធ្ងរដោយសារក្រុមប្រទេសអ្នកមាន G20 បានបរាជ័យក្នុងជំនួបកំពូលរបស់ខ្លួនកាលពីចុងសប្តាហ៍កន្លងទៅនេះ ដូច្នេះបន្ទុកលើមកលើកិច្ចប្រជុំ COP26។

ជំនួបកំពូល G20 បានឆ្លើយតបប្រហែលជា៨០%នៃការសាយភាយឧស្ម័នផ្ទះកញ្ចក់ និងកាបូនឌីអុកស៊ីត ដែលជាឧស្ម័នកើតចេញពីការដុតឥន្ធនៈហ្វូស៊ីលជាកត្តាចម្បងធ្វើឲ្យកើនឡើងសីតុណ្ហភាពសកលដែលជំរុញឲ្យឡើងកម្តៅ គ្រោះរាំងស្ងួត ទឹកជំនន់ និងព្យុះ។

យុវជន Txai Surui អាយុ២៤ឆ្នាំជាមេដឹកនាំជនជាតិភាគតិចមកពីព្រៃអាម៉ាហ្សូន បាននិយាយក្នុងពិធីបើកនៅ Glasgow ថា ៖«សត្វព្រៃកំពុងបាត់បង់ ទន្លេកំពុងរីងស្ងួត ហើយផែនដីរបស់យើងគ្មានផ្កាដូចពីមុន។ ផែនដីកំពុងនិយាយ។ វាប្រាប់ថា យើងគ្មានពេលទៀតទេ»។

ពន្យារពេលមួយឆ្នាំដោយសារវិបត្តិកូវីដ-១៩ ជំនួប COP26 មានគោលដៅធ្វើឲ្យកម្តៅសីតុណ្ហភាពសកលត្រឹមកម្រិត១.៥អង្សាសេ។

ដើម្បីសម្រេចបានគោលដៅនេះ កិច្ចប្រជុំត្រូវការធានាការសន្យាប្រកបដោយមហិច្ឆតាបន្ថែមទៀតដើម្បីកាត់បន្ថយការសាយភាយ រកប្រាក់ឲ្យរាប់ពាន់លានដុល្លារនៅក្នុងហិរញ្ញប្បទានអាកាសធាតុសម្រាប់ប្រទេសកំពុងអភិវឌ្ឍ និងបញ្ចប់ច្បាប់សម្រាប់កិច្ចព្រមព្រៀងទីក្រុងបារីសឆ្នាំ២០១៥ដែលមានប្រទេសជិត២០០បានចុះហត្ថលេខា។

ការសន្យាត្រូវបានធ្វើឡើងកាលពីពេលនោះបណ្តាលឲ្យសីតុណ្ហភាពជាមធ្យមនៃសំបកផែនដីនឹងកើនឡើងដល់២.៧អង្សាសេក្នុងសតវត្សរ៍នេះដែលអង្គការសហប្រជាជាតិនិយាយថា នឹងទទួលខុសត្រូវលើការបំផ្លិចបំផ្លាញដែលនាំឲ្យអាកាសធាតុកំពុងកើតឡើង។

កាលពីថ្ងៃចន្ទ មេដឹកនាំជាង១០០នាក់ទូទាំងពិភពលោកបានសន្យាបញ្ឈប់ការបំផ្លាញព្រៃឈើ និងស្តារឡើងវិញនៅត្រឹមឆ្នាំ២០៣០ ដាក់កំណត់ទឹកប្រាក់១៩ប៊ីលានដុល្លារក្នុងមូលនិធិសាធារណៈ និងឯកជនដើម្បីវិនិយោគសម្រាប់ការពារ និងស្តារព្រៃឈើ។

លោក Brianna Fruean មកពីកោះ Polynesian រដ្ឋ Samoa បាននិយាយថា ៖«យុវជនប៉ាស៊ីហ្វិកបានប្រមូលផ្តុំគ្នានៅពីក្រោយសម្រែកថា យើងមិនកំពុងលងទឹកទេ យើងកំពុងប្រយុទ្ធ។ នេះជាអ្នកចម្បាំងរបស់យើងស្រែកទៅកាន់ពិភពលោក»។

ក្នុងឆ្នាំ២០០៩ ប្រទេសអភិវឌ្ឍភាគច្រើនបានឆ្លើយតបចំពោះការទប់ស្កាត់កម្តៅសកលដោយសន្យាផ្តល់ប្រាក់១០០ប៊ីលានដុល្លារក្នុងមួយៗឆ្នាំត្រឹមឆ្នាំ២០២០ ដើម្បីជួយប្រទេសកំពុងអភិវឌ្ឍដែលកំពុងដោះស្រាយបញ្ហា។ យ៉ាងណា ការប្តេជ្ញាចិត្តទាំងនោះមិនបានបំពេញឡើយ។

មេដឹកនាំប្រទេសនានាដូចជា កេនយ៉ា បង់ក្លាដែស បាបាដូស និងម៉ាឡាវីបានហៅប្រទេសអ្នកមានថាជាអ្នកមានភារកិច្ចចំពោះការខកខាន។

លោក Lazarus McCarthy Chakwera ប្រធានាធិបតីម៉ាឡាវី បាននិយាយថា ៖«ការសន្យាផ្តល់ប្រាក់ទៅប្រទេសអភិវឌ្ឍតិចតួចដោយប្រទេសអភិវឌ្ឍ គឺមិនមែនជាជំនួយទេ ប៉ុន្តែជាតម្លៃសម្អាត។ ជាទូទៅ មិនថាអាហ្វ្រិក ឬម៉ាឡាវីទេ នឹងមិនអាចឆ្លើយតបបានឡើយ»។

សកម្មជន Greta Thunberg បានអំពាវនាវឲ្យអ្នកគាំទ្ររាប់លាននាក់របស់នាងចុះហត្ថលេខាលើលិខិតបើកចំហមួយដោយចោទប្រកាន់មេដឹកនាំពីបទក្បត់ជាតិ។ លិខិតនិយាយថា ៖«នេះមិនមែនជាសមយុទ្ធទេ។ វាជាកូដក្រហមសម្រាប់ផែនដី»៕

ប្រែសម្រួល៖ វីរបុត្រ
ប្រភព៖ reuters

Related Topics:អាកាសធាតុ