បើកបាន ២ ថ្ងៃ តែ ភូកេត មើលឃើញភ្ញៀវទេសចរ ១ លាននាក់នឹងមកទស្សនានៅ ៣ ខែដើមឆ្នាំក្រោយ

ប្រធានសមាគមទេសចរណ៍ខេត្តភូកេតលោក Bhummikitti Raktaengam ព្យាករណ៍ថា រមណីយកោះភាគខាងត្បូងមួយនេះ នឹងឃើញភ្ញៀវទេសចរបរទេសចំនួន ១ លាននាក់នៅក្នុងត្រីមាសទីមួយនៃឆ្នាំក្រោយ ។

លោក Bhummikitti បាននិយាយថា “ការកក់ទុកក្នុងខែវិច្ឆិកាបានកើនឡើង ២០ ភាគរយ ខណៈពេលដែលកត្តាផ្ទុកសម្រាប់ជើងហោះហើរអន្តរជាតិមួយចំនួនក៏នឹងកើនឡើងដល់ ៨០ ភាគរយ ដោយសារច្បាប់ធ្វើដំណើរត្រូវបានដកចេញសម្រាប់ប្រទេសដែលមានហានិភ័យទាប” ។

យោងតាមរបាយការណ៍របស់កាសែត Bangkok Post បានឲ្យដឹងថា អាកាសយានដ្ឋានភូកេតនឹងស្វាគមន៍ជើងហោះហើរអន្តរជាតិចំនួន ៨២៥ ពីក្រុមហ៊ុនអាកាសចរណ៍ចំនួន ១៧ ក្នុងខែនេះ ។ កាលពីខែមុន ជើងហោះហើរចំនួន ៥៦២ ពីក្រុមហ៊ុនអាកាសចរណ៍ចំនួន ១១ បានចុះចតនៅលើកោះភាគខាងត្បូងមួយនេះ ។

ទន្ទឹមនោះ សណ្ឋាគារនៅភូកេតត្រូវបានគេរំពឹងថានឹងកើនឡើងដល់ចន្លោះពី ២៥ ទៅ ៣០ ភាគរយក្នុងខែនេះ ។ តាមការប្រៀបធៀប អត្រានេះគឺត្រឹមតែ ១៨ ទៅ ២០ ភាគរយប៉ុណ្ណោះកាលពីខែមុន ហើយបច្ចុប្បន្ននឹងឡើងដល់ ៣៥ ភាគរយសម្រាប់ខែធ្នូ ។

គួរបញ្ជាក់ថា ក្នុងអំឡុងត្រីមាសទីមួយនៃឆ្នាំ ២០១៩ ភូកេតបានស្វាគមន៍ភ្ញៀវទេសចរចំនួន ៣ លាននាក់ ខណៈប្រទេសរុស្ស៊ីគឺជាទីផ្សារដ៏សំខាន់សម្រាប់កោះនេះ ប៉ុន្តែសម្រាប់ពេលនេះ ប្រតិបត្តិករទេសចរណ៍នឹងត្រូវពឹងផ្អែកលើសញ្ជាតិផ្សេងទៀត ដោយសារប្រទេសរុស្ស៊ីមិនស្ថិតក្នុងបញ្ជីប្រទេសចំនួន ៦៣ ដែលត្រូវបានអនុម័តសម្រាប់ការចូលមិនឲ្យធ្វើចត្តាឡីស័ក ៕

ប្រែសម្រួលដោយ ៖ ជីវ័ន្ត

ប្រភព ៖ Thaiger

ចុចអាន ៖ បាងកក ទទួលទេសចរ ជាង ៧,០០០ នាក់នៅថ្ងៃដំបូងនៃការបើកប្រទេស ថៃ