ព័ត៌មានអន្ដរជាតិ

Facebook នឹងបិទប្រព័ន្ធស្គាល់មុខអ្នកប្រើដោយស្វ័យប្រវត្តិ

បានផុស

៣ years មុន

នៅ

ថ្ងៃពុធ ៣ វិច្ឆិកា ២០២១

ដោយ

ក្រុមហ៊ុនបច្ចេកវិទ្យាយក្ស Facebook Inc នឹងបិទប្រព័ន្ធស្គាល់មុខដែលបង្ហាញអត្តសញ្ញាណអ្នកប្រើប្រាស់ដោយស្វ័យប្រវត្តិក្នុងរូបភាព និងវីដេអូ ដោយសារព្រួយបារម្ភរបស់សង្គមកំពុងកើនឡើងអំពីការប្រើប្រាស់បច្ចេកវិទ្យានេះ។

លោក Jerome Pesenti អនុប្រធានផ្នែកបញ្ញាសិប្បនិម្មិតរបស់ Faceboook បាននិយាយថា ៖«និយតករនៅកំពុងដំណើរការនៃការផ្តល់នូវសំណំច្បាប់ច្បាស់លាស់ដើម្បីគ្រប់គ្រងការប្រើប្រាស់របស់ខ្លួន។ ស្ថិតក្នុងភាពមិនប្រាកដប្រជាកំពុងបន្តនេះ យើងជឿថា ការកម្រិតនូវការប្រើប្រាស់នៃការស្គាល់មុខឲ្យកាន់តែតូចចង្អៀតគឺសមរម្យ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការលុបចេញប្រព័ន្ធស្គាល់មុខដោយបណ្តាញទំនាក់ទំនងសង្គមដ៏ធំបំផុតក្នុងពិភពលោកនេះកើតឡើងស្របពេលដែលឧស្សាហកម្មបច្ចេកវិទ្យាកំពុងប្រឈមនឹងការគិតឡើងវិញក្នុងរយៈពេលប៉ុន្មានឆ្នាំកន្លងទៅនេះអំពីសីលធម៌នៃការប្រើប្រាស់។

អ្នករិះគន់បាននិយាយថា បច្ចេកវិទ្យាស្គាល់មុខដែលពេញនិយមក្នុងចំណោមអ្នកលក់រាយ មន្ទីរពេទ្យ និងអាជីវកម្មផ្សេងៗទៀតសម្រាប់គោលដំណងសុវត្ថិភាព អាចសម្របសម្រួលដល់ឯកជនភាព កំណត់គោលដៅក្រុម និងធ្វើឲ្យការរំខានធម្មតា។

ក្រុមហ៊ុន IBM បានបញ្ឈប់ការលក់ផលិតផលស្គាល់មុខជាអចិន្ត្រៃយ៍ហើយ ហើយក្រុមហ៊ុន Microsoft Corp និង Amazon.com Inc ក៏បានផ្អាកការលក់ទៅឲ្យប៉ូលិសដោយគ្មានកំណត់ដែរ។

ដំណឹងនេះក៏បានកើតមានផងដែរនៅពេល Facebook ស្ថិតក្រោមការត្រួតពិនិត្យយ៉ាងតឹងរឹងពីនិយតករ និងសមាជិកសភាជុំវិញសុវត្ថិភាពអ្នកប្រើប្រាស់ និងមានការរំលោភបំពានជាច្រើននៅលើបណ្តាញសង្គមរបស់ខ្លួន។

ក្រុមហ៊ុនដែលទើបប្តូរឈ្មោះជា Meta Platforms Inc កាលពីសប្តាហ៍មុនបាននិយាយថា អ្នកប្រើប្រាស់ជាង១ភាគ៣ប្រចាំថ្ងៃទៀងទាត់នៅលើ Facebook បានជ្រើសរើសចូលទៅក្នុងការកំណត់ (Setting) ស្គាល់មុខ ហើយការកែប្រែឥឡូវនេះនឹងលុបចោល«គំរូស្គាល់មុខ»នៃមនុស្សជាង១ប៊ីលាននាក់។

អ្នកនាំពាក្យ Facebook បាននិយាយថា ការលុបចេញនឹងដំណើរការជាសកល និងត្រូវបានគេរំពឹងថា ចប់សព្វគ្រប់នៅត្រឹមខែធ្នូខាងមុខនេះ៕

ប្រែសម្រួល៖ វីរបុត្រ
ប្រភព៖ reuters

Related Topics:facebook