ព័ត៌មានអន្ដរជាតិ

មុនអស់អំណាច Trump នៅសល់មួយក្បាច់ចុងក្រោយសម្រាប់មន្ត្រីរដ្ឋាភិបាលចិន

បានផុស

៤ years មុន

នៅ

ថ្ងៃព្រហស្បតិ៍ ៣ ធ្នូ ២០២០

ដោយ

រដ្ឋបាលលោក Donald Trump បានបញ្ចេញច្បាប់ថ្មីមួយទៀត ដើម្បីរឹតបន្តឹងលើការធ្វើដំណើររបស់សមាជិកបក្សកុម្មុយនីស្តចិន រួមនិងក្រុមគ្រួសារពួកគេ ចូលទឹកដីអាមេរិក។ នេះបើសេចក្តីរាយការណ៍ពីកាសែត The New York Times ចេញផ្សាយនៅរសៀលថ្ងៃព្រហស្បត្តិ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គោលនយោបាយកំណត់សុពលភាពទិដ្ឋិការសម្រាប់សមាជិកបក្សកុម្មុយនីស្តចិន និងក្រុមគ្រួសារ គឺអាចផ្តល់ឲ្យត្រឹមតែមួយខែប៉ុណ្ណោះ និងសម្រាប់ការធ្វើដំណើរចូលទឹកដីអាមេរិកតែមួយលើក។

ការពីមុន សមាជិកបក្សកុម្មុយនីស្តចចិន ក៏ដូចជាពលរដ្ឋចិនផ្សេងទៀត សុទ្ធតែអាចទទួលបានទិដ្ឋិការចូលក្នុងទឹកអាមេរិកជាមួយសុពលភាពរហូតដល់ទៅ ១០ឆ្នាំឯណោះ។ នេះបើតាមការបញ្ជាក់ពីកាសែតខាងលើ។

រដ្ឋាភិបាលក្រុងវ៉ាស៊ីងតោន នៅពេលនេះ កំពុងតែជួយដល់ប្រធានធិបតីទើបចាញ់ឆ្នោតរបស់ខ្លួន ដើម្បីតស៊ូជាមួយអំណាចរបស់ប្រទេសចិន ស្របពេលដែលទំនាក់ទំនងរវាងមហាអំណាចសេដ្ឋកិច្ចធំបំផុតលើលោកទាំងពីរ បានធ្លាក់ចុះដល់កម្រិតទាបបំផុតមិនធ្លាប់មាននាប៉ុន្មានទសវត្សរ៍ចុងក្រោយនេះ។

យោងតាមអ្នកនាំពាក្យក្រសួងការបរទេសអាមេរិក ប្រាប់កាសែត New York Times ចំណាត់ការថ្មីនេះ ជាផ្នែកមួយនៃគោលនយោបាយការពារសហរដ្ឋអាមេរិក ពីឥទ្ធិពលដ៏គ្រោះថ្នាក់របស់បក្សកុម្មុយនីស្តចិន។

បើនិយាយដល់ចំណុចចាប់ផ្តើមនៃទំនាក់ការទូតរវាងចិន និងអាមេរិក គឺអាចនិយាយបានថា ដោយសារការផ្ទុះរាតត្បាតជំងឺកូវីដ ១៩ ជុំវិញពិភពលោក ការបង្កើតច្បាប់សន្តិសុខជាតិនៅហុងកុង ពីសំណាក់រដ្ឋាភិបាលប៉េកាំង ជម្លោះសមុទ្រចិនខាងត្បូង ជម្លោះពាណិជ្ជកម្ម ក៏ដូចជាការស្តីបន្ទោសចិន បង្កឧក្រិដ្ឋកម្មសិទ្ធិមនុស្សនៅតំបន់ស៊ីជាំងជាដើម៕

ប្រែសម្រួល៖ សុភា
ប្រភព៖ Reuters