ដឹងវត្ថុដែលនាវាមុជទឹក អាមេរិក បើកបុកនៅសមុទ្រចិនខាងត្បូង

ការស៊ើបអង្កេតលើនាវាមុជទឹករបស់កងទ័ពជើងទឹកអាមេរិកក្នុងហេតុការណ៍មួយនៅសមុទ្រចិនខាងត្បូងកាលពីមួយខែមុនបានសន្និដ្ឋានថា នាវាមុជទឹកដើរដោយថាមពលនុយក្លេអ៊ែរ USS Connecticut គឺបើកបុកភ្នំក្រោមទឹកដែលមិនមានគំនូសតាងក្នុងផែនទី ។

សារព័ត៌មាន USNI News បានរាយការណ៍ថា នាវាមុជទឹក USS Connecticut បានបើកបុកភ្នំនៅបាតសមុទ្រកាលពីថ្ងៃទី ២ ខែតុលា ខណៈពេលដែលកំពុងប្រតិបត្តិការនៅក្នុងដែនទឹកអន្តរជាតិ ។

ទន្ទឹមនោះ រ៉េអាក់ទ័រនុយក្លេអ៊ែ និងប្រព័ន្ធស្លាបចាក់របស់នាវាមុជទឹកប្រភេទ Seawolf-Class មិនមានការខូចខាត ដោយសារការបុកនេះនោះទេ ។

ប៉ុន្តែក្នុងនោះមានការខូចខាតដល់ផ្នែកខាងមុខ និងបាតនៃនាវា ដោយនាំឲ្យនាវា USS Connecticut បើកឡើងលើទឹក និងធ្វើដំណើររយៈពេលមួយសប្តាហ៍ទៅកាន់កោះ Guam ដើម្បីជួសជុល ខណៈសមាជិកនាវិកជាង ១១ នាក់បានរងរបួស ។

ស្របពេលជាមួយគ្នានេះ ប្រទេសចិនបាននឹងកំពុងទាមទារឲ្យអាមេរិកចេញសេចក្ដីថ្លែងការណ៍ ទាក់ទងនឹងអ្វីដែលបានកើតឡើង ដោយហៅឧបទ្ទវហេតុនេះថា ជាការបិទបាំងនៅសមុទ្រចិនខាងត្បូង ដោយចោទសួរថាហេតុអ្វីបានជានាវាមុជទឹកនៅទីនោះ ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ នាវាមុជទឹក អាមេរិក ជួបហេតុការណ៍ភ្ញាក់ផ្អើល នៅសមុទ្រចិនខាងត្បូង