ដើម្បីក្រពះ ឪពុក ដាច់ចិត្តលក់កូនស្រីអាយុ៩ឆ្នាំ ទៅឲ្យបុរសចំណាស់យកធ្វើប្រពន្ធ 

វាគឺជារឿងដ៏គួរឲ្យខ្លោចចិត្តជាទីបំផុត ដែលឪពុកជនជាតិអាហ្វហ្គានីស្ថានម្នាក់ បង្ខំចិត្តលក់កូនស្រីអាយុ៩ឆ្នាំ ទៅឲ្យបុរសអាយុ៥៥ឆ្នាំធ្វើជាកូនក្រមុំក្នុងតម្លៃ ២,១៨០ ដុល្លារអាមេរិក ដើម្បីយកលុយទិញបាយនិងម្ហូបអាហារ។ គាត់ក៏បានអង្វរប្តី របស់កូនគាត់កុំឲ្យវាយធ្វើបាបនាងផងដែរ។

កុមារី Parwana Malik អាយុ៩ឆ្នាំ ត្រូវបានឪពុកម្តាយ លក់ទៅឲ្យជនចម្លែកម្នាក់។ នៅ​ថ្ងៃ​ដែល Parwana ត្រូវ​បាន​អ្នក​ទិញឈ្មោះ Qorban យកទៅ ឪពុក​របស់​នាងឈ្មោះ Abdul Malik ​បាន​អង្វរ​សុំ​កុំ​ធ្វើ​បាប​កូន​របស់​ខ្លួនអី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមគ្រួសាររបស់កុមារី Parwana និយាយថា ពួកគេគ្មានជម្រើសទេ ហើយស្ថិតក្នុងចំណោមគ្រួសារទុរគតជាច្រើន ដែលត្រូវបង្ខំចិត្តលក់កូនស្រីតូចរបស់ពួកគេ ឲ្យរៀបការដើម្បីរស់ ខណៈប្រទេសអាហ្វហ្គានីស្ថាន កាន់តែធ្លាក់ចូលទៅក្នុងវិបត្តិមនុស្សធម៌បន្ថែមទៀត។

លោក Abdul ថា គាត់គ្មានជម្រើសក្រៅពីលក់ Parwana ដើម្បីជួយគ្រួសាររបស់គាត់ឲ្យរស់រានមានជីវិតទេ។ គាត់និយាយថា “យើងមានសមាជិកគ្រួសារប្រាំបីនាក់។ ខ្ញុំ​ត្រូវ​លក់​ដើម្បី​រក្សា​សមាជិក​គ្រួសារ​ផ្សេង​ទៀត​ឲ្យ​នៅ​រស់”។

Parwana និងគ្រួសាររបស់នាង បានរស់នៅក្នុងជំរំជនភៀសខ្លួនអាហ្វហ្គានីស្ថាននៅខេត្ត Badghis ភាគពាយ័ព្យអស់រយៈពេល ៤ឆ្នាំមកហើយ។ ពួកគេរស់បានដោយសារតែជំនួយមនុស្សធម៌ និងការងារដែលរកប្រាក់បានប្រហែល ២.៧ ដុល្លារក្នុងមួយថ្ងៃ។

ប៉ុន្តែចាប់តាំងពីក្រុមតាលីបង់ ចូលកាន់កាប់អាហ្វហ្គានីស្ថានក្នុងខែសីហាមក សេដ្ឋកិច្ចរបស់ប្រទេសនេះ បានស្ថិតក្នុងដំណាក់កាលដួលរលំ ហើយជំនួយមនុស្សធម៌អន្តរជាតិត្រូវបានផ្អាក៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ មេដឹកនាំតាលីបង់ ស្វែងរកជំនួយបរទេសសម្រាប់ជនភៀសខ្លួន អាហ្វហ្គានីស្ថាន