ព័ត៌មានអន្ដរជាតិ
ឥណ្ឌូណេស៊ីរិះគន់កិច្ចព្រមព្រៀងព្រៃឈើ COP26 ថា«អយុត្តិធម៌»
ប្រទេសឥណ្ឌូណេស៊ីបានរិះគន់លក្ខខណ្ឌនៃកិច្ចព្រមព្រៀងសកលដើម្បីបញ្ឈប់ការបំផ្លាញព្រៃឈើដល់កម្រិតសូន្យត្រឹមឆ្នាំ២០៣០ ដែលប្រទេសនេះប្រហែលជាមិនអាចធ្វើបានតាមការសន្យា។
រដ្ឋមន្ត្រីក្រសួងបរិស្ថាន លោកស្រី Siti Nurbaya Bakar បាននិយាយថា អាជ្ញាធរមិនអាចធ្វើការសន្យាបានទេនូវអ្វីដែលខ្លួនមិនអាចធ្វើបាននោះ។ ការបង្ខំឥណ្ឌូណេស៊ីឲ្យប្តេជ្ញាបញ្ឈប់ការកាប់បំផ្លាញព្រៃឈើឲ្យដល់កម្រិតសូន្យត្រឹមឆ្នាំ២០៣០គឺច្បាស់ក្រឡែតថា«មិនសមរម្យ និងអយុត្តិធម៌»។
ទោះបីជាប្រធានាធិបតីឥណ្ឌូណេស៊ី លោក Joko Widodo បានចុះហត្ថលេខាលើកិច្ចព្រមព្រៀងព្រៃឈើ ក៏លោកស្រីនិយាយថា ការអភិវឌ្ឍនៅតែជាអាទិភាពចម្បងរបស់ឥណ្ឌូណេស៊ី។
កិច្ចព្រមព្រៀងដែលត្រូវបានចុះហត្ថលេខាដោយមេដឹកនាំពិភពលោកជាង១០០ប្រទេសត្រូវបានប្រកាសកាលពីថ្ងៃចន្ទទី១ ខែវិច្ឆិកា នៅក្នុងកិច្ចប្រជុំកំពូលស្តីពីអាកាសធាតុ COP26 នៅទីក្រុង Glasgow។ វាបានក្លាយជាការប្រកាសដ៏ធំលើកដំបូងរបស់កិច្ចប្រជុំកំពូលនេះ។
កិច្ចព្រមព្រៀងបានសន្យាបញ្ឈប់ និងស្តារព្រៃឈើត្រឹមឆ្នាំ២០៣០ ហើយមានទាំងការសន្យាកញ្ចប់ថវិកាជិត១៩.២ប៊ីលានដុល្លារអាមេរិក។
បង្ហោះនៅលើ Facebook មួយ លោកស្រី Nurbaya បានជំរុញឲ្យថា ធនធានធម្មជាតិដ៏មហាសាលរបស់ឥណ្ឌូណេស៊ីត្រូវតែប្រើដើម្បីផលប្រយោជន៍ដល់ប្រជាជន។ លោកស្រីបានលើកឡើងពីតម្រូវការកាប់ព្រៃឈើដើម្បីធ្វើផ្លូវថ្មីជាដើម។
លោកស្រីមានប្រសាសន៍សំដៅទៅលើឈ្មោះលោក Joko Widodo ថា ៖«ការអភិវឌ្ឍដ៏មហាសាលនៅក្នុងសម័យកាលរបស់លោកប្រធានាធិបតី Jokowi មិនត្រូវបញ្ឈប់ដោយសារការសាយភាយកាបូន ឬការកាប់ព្រៃឈើទេ។ ទ្រព្យសម្បត្តិធម្មជាតិរបស់ឥណ្ឌូណេស៊ីមានដូចជា ព្រៃឈើជាដើម ត្រូវតែគ្រប់គ្រងសម្រាប់ការប្រើប្រាស់ស្របតាមគោលការណ៍និរន្តរភាព»។
ជាមួយគ្នានេះ អនុរដ្ឋមន្ត្រីការបរទេសឥណ្ឌូណេស៊ី លោក Mahendra Siregar បាននិយាយថា ការប្រើពាក្យពេចន៍លើកិច្ចព្រមព្រៀងថា «សន្យាបញ្ឈប់ការបំផ្លាញព្រៃឈើឲ្យដល់កម្រិតសូន្យ»គឺខុស និងភន់ច្រឡំ។
អ្នកជំនាញបានស្វាគមន៍ចំពោះកិច្ចព្រមព្រៀងរបស់ COP26 ប៉ុន្តែពួកគេបានព្រមានថា កិច្ចព្រមព្រៀងពីមុននៅឆ្នាំ២០១៤បានបរាជ័យក្នុងការបញ្ឈប់ការបំផ្លាញព្រៃឈើទាំងស្រុង និងនិយាយថា ការប្តេជ្ញាចិត្តត្រូវតែបំពេញឲ្យខាងតែបាន៕
ប្រែសម្រួល៖ វីរបុត្រ
ប្រភព៖ BBC
សម្ដេចធិបតី និងលោកជំទាវ ចេញថ្លៃព្យាបាលទាំងស្រុងដល់នាយតាក់ស៊ី កំពុងមានជំងឺទឹកនោមផ្អែម ខ្សោយតម្រងនោម
នាយ តាក់ស៊ី រំភើបនិងដឹងគុណប្រមុខថ្នាក់ដឹកនាំកម្ពុជា ដែលឧបត្ថម្ភការព្យាបាលលោក នៅមន្ទីរពេទ្យព្រះកេតុមាលា ទាំងស្រុង
គូស្នេហ៍អ្នកផលិតមាតិកា មួយគូទៀតហើយ ចង់លាពាក្យថា “សង្សារ” ធ្វើជាដៃគូជីវិត (មានវីដេអូ)
នាយឧត្តមសេនីយ៍ មាស វីរិទ្ធ អាជ្ញាធរគ្រប់ថ្នាក់ មេភូមិ មេឃុំ ទទួលចំណេះដឹងលើការងារផ្សព្វផ្សាយ អប់រំ និងការប្រើប្រាស់App NoDrug
តើរុស្ស៊ីនិងអ៊ុយក្រែនខូចខាតអ្វីខ្លះនៅខែវិច្ឆិកានិងសមរភូមិនៅ Kursk ទឹកដីរុស្ស៊ី?
ត្រាំ ព្រមានក្រុមហាម៉ាស ថា នឹងជួបអាសន្នធំ បើមិនដោះលែងចំណាប់ខ្មាំង មុនគាត់ចូលកាន់តំណែង
មហាជនស្ញប់ស្ញែងសមត្ថភាពលោក ហេង ប៊ុនលាភ និងចាត់ទុកជាធនធានអ្នកសិល្បៈមួយរូប មិនគួរមើលរំលង
តារាសម្ដែង Park Min-jae ទទួលមរណភាពដោយជំងឺគាំងបេះដូងភ្លាមៗ
កីឡាការិនីគេច្រឡំក្លែងភេទ ដកខ្លួនចេញពីការប្រកួតប្រដាល់ពិភពលោក
ភារកិច្ចថ្មី៖ លោក សុខ ចិន្ដាសោភា ត្រូវជួយនាយករដ្ឋមន្ត្រីលើការងារសេដ្ឋកិច្ច ពាណិជ្ជកម្ម ចំជំនាញរបស់លោក
-
ព័ត៌មានជាតិ៤ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សន្តិសុខសង្គម៥ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
សេដ្ឋកិច្ច៥ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
សេដ្ឋកិច្ច២ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ជីវិតកម្សាន្ដ៣ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ព័ត៌មានជាតិ៤ ថ្ងៃ agoEmirates នឹងតភ្ជាប់កម្ពុជាទៅកាន់១៤៨ គោលដៅក្នុង៨០ ប្រទេសនៅលើសកលលោក
-
ព័ត៌មានជាតិ២ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន
-
បច្ចេកវិទ្យា១ សប្តាហ៍ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា