ថៃ ធ្វើតេស្តរហ័សលើគ្រូនិងសិស្ស ចេញលទ្ធផលខុស

ការធ្វើតេស្តម៉ាស៊ីនធំ RT-PCR បានបញ្ជាក់ច្បាស់ៗអំពី លទ្ធផលរបស់សិស្ស និងគ្រូបង្រៀនចំនួន៩០នាក់នៅសាលា Khamsoipitthayasan បន្ទាប់ពីការធ្វើតេស្តរហ័សលើពួកគេកាលពីដំបូង បានបង្ហាញលទ្ធផលវិជ្ជមានជំងឺកូវីដ-១៩។

សិស្សានុសិស្ស និងលោកគ្រូអ្នកគ្រូ ត្រូវបានដាក់ឲ្យនៅដាច់ដោយឡែក ក្នុងមន្ទីរពេទ្យបណ្តោះអាសន្ននៃវត្ត Phu Dan Tae បន្ទាប់ពីការធ្វើតេស្តរហ័សលើពួកគេ ចេញលទ្ធផលវិជ្ជមានកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការធ្វើតេស្តលើកទីមួយត្រូវបានធ្វើឡើងលើសិស្សចំនួន១,២០២នាក់ និងគ្រូបង្រៀនចំនួន៧២នាក់ បន្ទាប់ពីគណៈកម្មាធិការជំងឺឆ្លងនៃខេត្ត Mukdahan បានប្រកាសពីការផ្ទុះឡើងនៃមេរោគកូវីដ-១៩ ក្នុងសាលារៀន។

អ្នកដែលធ្វើចត្តាឡីស័ក បានឆ្លងកាត់ការធ្វើតេស្ត RT-PCR នៅម៉ោង៧ព្រឹក ហើយការធ្វើតេស្តម្តងទៀតរបស់ពួកគេ បានបង្ហាញលទ្ធផលអវិជ្ជមាន។ គ្រប់គ្នាត្រូវបានអនុញ្ញាតឲ្យចេញពីមន្ទីរពេទ្យ ហើយក្រោយមក ក្រុមមន្ត្រីនឹងពន្យល់ពីលទ្ធផលខុស ពីការធ្វើតេស្តរហ័សលើកទី១។

ទោះបីជាយ៉ាងណាក៏ដោយ ឪពុកម្តាយ លោកគ្រូ អ្នកគ្រូ និងសិស្ស ត្រូវបានណែនាំឲ្យតាមដានស្ថានភាពសុខភាពរបស់ពួកគេ។ ប្រសិនបើពួកគេក្អក ក្តៅខ្លួន ហៀរសំបោរ ឈឺបំពង់ក ឬពិបាកដកដង្ហើម ពួកគេត្រូវតែជូនដំណឹងដល់មន្ត្រីសុខាភិបាលភ្លាម។

លោកវេជ្ជបណ្ឌិត Chakkarat Pittayawong-anont ប្រធានការិយាល័យរោគរាតត្បាតបាននិយាយថា ឧបករណ៍ធ្វើតេស្តរហ័ស អាចផ្តល់លទ្ធផលមិនពិត ប៉ុន្តែមន្ត្រីមូលដ្ឋានមិនទាន់បានបញ្ជាក់ពីបញ្ហានេះនៅឡើយទេ៕

ប្រែសម្រួល៖ Vann Vann

ប្រភព៖ tna.mcot

ចុចអាន៖ ថៃ ដំឡើងម៉ាស៊ីនតេស្តកូវីដ ចេញលទ្ធផលត្រឹម ៣៥នាទី មានប្រសិទ្ធភាព១០០% ដូច PCR