ព័ត៌មានអន្ដរជាតិ
WHO បង្ហាញពេលវេលាកាត់បន្ថយការឈឺធ្ងន់ និងស្លាប់ដោយកូវីដបានច្រើនខ្លាំងហើយ
ករណីឆ្លងកូវីដ-១៩ទូទាំងពិភពលោកជិតដល់២៥០លាននាក់ហើយគិតត្រឹមថ្ងៃអាទិត្យម្សិលមិញ ខណៈវីរុសបំប្លែងខ្លួនឆ្លងលឿន Delta បានធូរស្បើយ ហើយអាជីវកម្ម និងទេសចរណ៍ប្រចាំថ្ងៃដំណើរការកាន់តែធម្មតាវិញ បើទោះជាប្រទេសមួយចំនួននៅអឺរ៉ុបហក់ឡើងជាថ្មីរហូតដល់ជាប់កំណត់ត្រា។
តាមការវិភាគរបស់ Reuters បង្ហាញថា ក្នុងរយៈពេល៣ខែកន្លងទៅនេះ ចំនួនឆ្លងកូវីដជាមធ្យមប្រចាំថ្ងៃបានធ្លាក់៣៦%។ ទោះជាករណីរាលដាលជាសកលថយចុះ ក៏វីរុសនេះនៅតែកំពុងឆ្លងមនុស្ស៥០លាននាក់រាល់៩០ថ្ងៃ ដោយសារវីរុសឆ្លងរហ័ស Delta រាតត្បាតខ្លាំង។ កាលពីដំបូង វាប្រើពេលជិតមួយឆ្នាំទើបមានករណីឆ្លងកូវីដ៥០លាននាក់។
អ្នកជំនាញសុខភាពមានសុទិដ្ឋិថា ប្រទេសជាតិជាច្រើនគ្រប់គ្រងបាននូវការរាតត្បាតដ៏អាក្រក់ដោយសារវ៉ាក់សាំង និងការប៉ះពាល់ដោយធម្មជាតិ បើទោះជាយ៉ាងណា ពួកគេមានការប្រុងប្រយ័ត្នថា អាកាសធាតុត្រជាក់ និងថ្ងៃឈប់សម្រាកចុងឆ្នាំនេះអាចនឹងធ្វើឲ្យកើនឡើងជាថ្មី។
លោកស្រី Maria Van Kerkhove ប្រធានផ្នែកវីរុសឆ្លងនៅអង្គការសុខភាពពិភពលោក (WHO)បានឲ្យដឹងថា ៖«យើងគិតចន្លោះពីពេលឥឡូវនេះ និងដាច់ឆ្នាំ២០២២ គឺជាចំណុចដែលយើងគ្រប់គ្រងវីរុសនេះបាន….ដែលអាចកាត់បន្ថយការឈឺធ្ងន់ និងស្លាប់បានយ៉ាងច្រើន»។
បន្ថែមលើលើវ៉ាក់សាំង ក្រុមវេជ្ជបណ្ឌិតឥឡូវនេះមានរបៀបព្យាបាលកាន់តែល្អប្រសើរ។ កាលពីថ្ងៃព្រហស្បតិ៍ ចក្រភពអង់គ្លេសបានក្លាយជាប្រទេសទី១ក្នុងពិភពលោកក្នុងការអនុម័តថ្នាំគ្រាប់ព្យាបាលកូវីដ-១៩ Molnupiravir របស់ក្រុមហ៊ុន Merck ដែលសហការផលិតជាមួយក្រុមហ៊ុន Ridgeback Biotherapeutics។
ការសិក្សាបង្ហាញថា ថ្នាំគ្រាប់នេះកាត់បន្ថយបាន៥០%ពីការចូលមន្ទីរពេទ្យសម្រាប់អ្នកដែលប្រឈមហានិភ័យខ្ពស់បំផុតពីការវិវត្តកូវីដទៅជាធ្ងន់ធ្ងរ។
ការឆ្លងនៅតែកំពុងកើនឡើងនៅប្រទេស៥៥ក្នុងចំណោម២៤០ប្រទេស ដែលក្នុងនោះរុស្ស៊ី អ៊ុយក្រែន និងក្រិកជិតឈានកម្រិតកំណត់ត្រាដែលខ្លួនធ្លាប់បានឆ្លងជាប់កំណត់ត្រាកាលពីពីរឆ្នាំមុន។
យោងតាមការវិភាគបង្ហាញថា អឺរ៉ុបខាងកើតមានស្ថិតិចាក់វ៉ាក់សាំងទាបបំផុតក្នុងតំបន់។ ជាងពាក់កណ្តាលនៃករណីឆ្លងថ្មីទាំងអស់ត្រូវបានរាយការណ៍ទូទាំងពិភពលោកគឺមាននៅប្រទេសក្នុងតំបន់អឺរ៉ុបក្នុងនោះឆ្លងថ្មី១លាននាក់់រាល់៤ថ្ងៃ។
WHO និងក្រុមជំនួយផ្សេងៗទៀតកាលពីខែមុនបានអំពាវនាវឲ្យមេដឹកនាំប្រទេស G20 ផ្តល់ថវិកាចំនួន២៣.៤ប៊ីលានដុល្លារតាមផែនការដើម្បីទិញវ៉ាក់សាំង ការធ្វើតេស្ត និងថ្នាំព្យាបាលដល់ប្រទេសក្រីក្រនៅក្នុងរយៈពេល១២ខែខាងមុខ។
លោក Jarbas Barbosa ជំនួយការប្រធាន PAHO បាននិយាយថា ៖«ភាពមិនស្មើគ្នានៅតែបន្តជារបាំងដ៏ធំដើម្បីឈានដល់គោលដៅវ៉ាក់សាំងរបស់យើង»។ លោកបានជំរុញឲ្យអាជ្ញាធរផ្តល់អាទិភាពដល់មនុស្សចាស់ បុគ្គលិកជួរមុខ និងអ្នកដែលប្រឈមហានិភ័យខ្ពស់៕
ប្រែសម្រួល៖ វីរបុត្រ
ប្រភព៖ reuters
អ្នកជំនាញ៖ វត្តមានជនបរទេសចូលរួម “សំណេរអង្គរ” បង្ហាញពីការស្រឡាញ់ និងការលើកស្ទួយអក្សរសាស្ត្រខ្មែរលើឆាកអន្តរជាតិ
កម្ពុជាបានចំណាយជាង២,៦៩ពាន់លានដុល្លារនាំចូលប្រេងឥន្ធនៈ និងប្រេងម៉ាស៊ូតក្នុងឆ្នាំ២០២៤
រដ្ឋមន្ត្រីមហាផ្ទៃបង្ហើបពីការសិក្សាកែសម្រួលការជ្រើសរើស និងលក្ខណៈសម្បត្តិថ្នាក់ដឹកនាំភូមិ
Justin ស្រាប់តែ Unfollow ភរិយានិងប៉ាក្មេក ខណៈគេសង្ស័យថា ចំណងអាពាហ៍ពិពាហ៍រង្គោះរង្គើ
ឥណ្ឌូណេស៊ីពិន័យ Google ជាង ១២ លានដុល្លារ ដោយចោទពីបទ «អនុវត្តអាជីវកម្មមិនស្មើភាពគ្នា»
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់